كوستانايلىق مەديسينا قىزمەتكەرى ءبىر ەر ادامنىڭ قورقىتۋى مەن بالاعاتىنا تاپ بولىپ، اڭگىمەنى ۆيدەوعا ءتۇسىرىپ الدى. قۇقىق قورعاۋ ورگاندارى بۇل دەرەك بويىنشا تەكسەرۋ باستادى، دەپ حابارلايدى infohub.kz.
قىز Threads الەۋمەتتىك جەلىسىندە وقيعا تۋرالى جازبا جاريالادى. «مەن مۇنى ايانىش ءۇشىن جاريالاپ وتىرعان جوقپىن. مەن مۇنى ۇنسىزدىك مۇنداي جاعدايلاردى ادەتكە اينالدىراتىندىقتان جاريالاپ وتىرمىن، ال ولار ادەتكە اينالماۋى كەرەك. ءبىز، مەديسينا قىزمەتكەرلەرى، جۇمىسقا ادامداردى ەمدەۋ، كومەكتەسۋ جانە قولداۋ ءۇشىن كەلەمىز. ءبىراق كوبىنەسە قالىپتى جۇمىس كۇنىنىڭ ورنىنا قورلىق، قورقىتۋ جانە ۇرەي الامىز»، — دەپ جازدى ول.
جازباعا ول ديالوگ جازىلعان ۆيدەونى قوسقان. «ءبىر كۇنى كورەسىڭ! باسىڭدى ۇشىرامىن! ولتىرەمىن!» — دەيدى ەر ادام. «نە ءۇشىن؟» — سۇرايدى مەديك. «تاكاپپار مىنەزىڭ ءۇشىن»، — جاۋاپ بەرەدى ول. «ءسىز مەنى قورقىتىپ تۇرسىز با؟» — دەيدى قىز. «ءيا، مىلجىڭسىڭ، سەن»، — دەپ بالاعاتتايدى ەر ادام.
قوستاناي وبلىستىق پوليسيا دەپارتامەنتى بۇل فاكتى بويىنشا تەكسەرۋ جۇرگىزىلىپ جاتقانىن حابارلادى. «قازىرگى ۋاقىتتا مەديسينا قىزمەتكەرىن بالاعاتتاعان ادامنىڭ جەكە باسى انىقتالىپ، ول مىندەتتى تۇردە قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە تارتىلادى»، — دەپ ءتۇسىندىردى ۆەدومستۆونىڭ ءباسپاسوز قىزمەتى.
نازار اۋدارىڭىز! ماتىندە بالاعات سوزدەر كەزدەسەدى!