قوستانايداعى ساياجاي قوعامدارىنىڭ بىرىندە ءىرى ءورت شىعىپ، جارىلىس ءقاۋپى ءتوندى. قۇتقارۋشىلار جانىپ جاتقان ۇيدەن بەس گاز باللونىن الىپ شىقتى، دەپ حابارلايدى infohub.kz.
توتەنشە جاعدايلار مينيسترلىگىنىڭ مالىمەتىنشە، ءورت تۋرالى حابارلاما 112 پۋلتىنە تۇسكەن. وت مانساردتى تۇرعىن ءۇي مەن ساياجاي ءۇيىن شارپىعان. ءورتتىڭ جالپى اۋدانى 150 شارشى مەتردى قۇرادى.
«وقيعا ورنىنا كەلگەن تجم قىزمەتكەرلەرى ەڭ الدىمەن قاۋىپسىزدىكتى قامتاماسىز ەتىپ، ءقاۋىپتى ايماقتان كولەمى 27 ليترلىك ءتورت گاز باللونى مەن ءبىر 50 ليترلىك باللوندى الىپ شىقتى»، — دەلىنگەن تجم حابارلاماسىندا.
ءورت تولىعىمەن ءسوندىرىلدى. وقيعا سالدارىنان ەشكىم زارداپ شەككەن جوق. ءورتتىڭ شىعۋ سەبەبىن ماماندار انىقتاپ جاتىر.
بۇعان دەيىن «كۋرسيۆ» باسىلىمى استانانىڭ بايقوڭىر اۋدانىنداعى بازارلاردىڭ بىرىندە تاندىر سامساسىن دايىندايتىن بولمەدە جارىلىس بولعانىن جازدى. سالدارىنان ءتورت ادام، سونىڭ ىشىندە ءبىر بالا جاراقات العان.