قوستاناي وبلىسىندا ۇستەمە جۇمىس ۋاقىتى، دەمالىس جانە مەرەكە كۇندەرىندەگى ەڭبەك اقىنى تولەۋگە قاتىستى ەڭبەك داۋى مەدياتيۆتىك كەلىسىمگە قول قويۋمەن اياقتالدى، دەپ حابارلايدى infohub.kz سايتى.
قوستاناي وبلىسى سوتتارىنىڭ رەسمي Telegram-ارناسىندا حابارلانعانداي، قارابالىق اۋداندىق سوتى جشس-كە قارسى ءۇش دۇكەن ساتۋشىسىنىڭ ازاماتتىق ءىسىن قارادى. ايەلدەر جۇمىس بەرۋشىدەن ۇستەمە جۇمىس ۋاقىتى، دەمالىس جانە مەرەكە كۇندەرىندەگى جۇمىس ءۇشىن تولەنبەگەن جالاقىنى، سونداي-اق پايدالانىلماعان ەڭبەك دەمالىسى ءۇشىن وتەماقى مەن مورالدىق زياندى ءوندىرىپ الۋدى تالاپ ەتتى.
ءىستى قاراۋ بارىسىندا تالاپكەرلەر جشس-كە تيەسىلى دۇكەندە ساتۋشى بولىپ، 8:00-دەن 23:00-گە دەيىن جۇمىس ىستەگەنى انىقتالدى. جۇمىس بەرۋشى ولاردى جۇيەلى تۇردە ۇستەمە جۇمىسقا، سونداي-اق دەمالىس جانە مەرەكە كۇندەرىندەگى جۇمىسقا تارتقان، الايدا ناقتى جۇمىس ىستەگەن ۋاقىت ءۇشىن تولەم تولىق كولەمدە جۇرگىزىلمەگەن. سونىمەن قاتار، جۇمىستان بوساتىلعان كەزدە ولارعا پايدالانىلماعان ەڭبەك دەمالىسى ءۇشىن وتەماقى تولەنبەگەن.
تاتۋلاستىرۋ راسىمدەرى اياسىندا سۋديا-مەدياتور تاراپتارعا قازاقستان رەسپۋبليكاسىنىڭ «مەدياسيا تۋرالى» زاڭىندا كوزدەلگەن داۋدى بەيبىت جولمەن رەتتەۋدىڭ ارتىقشىلىقتارىن ءتۇسىندىردى. ناتيجەسىندە تاراپتار ءوزارا ءتيىمدى ىمىراعا كەلىپ، مەدياتيۆتىك كەلىسىم جاساستى. كەلىسىم شارتتارى بويىنشا تالاپكەرلەر تالاپ قويۋ سوماسىن ءارقايسىسى 500 مىڭ تەڭگەگە دەيىن ازايتتى، ال جاۋاپكەر بەلگىلەنگەن مەرزىمدە كورسەتىلگەن سومالاردى تولەۋگە مىندەتتەندى.
سوت ۇيعارىمىمەن مەدياتيۆتىك كەلىسىم بەكىتىلىپ، ازاماتتىق ءىس بويىنشا ءىس جۇرگىزۋ توقتاتىلدى.