قوستانايدا 14 شىلدەدە جوعالىپ كەتكەن 18 جاستاعى جىگىتتى ىزدەۋ اياقتالدى. جاس جىگىتتىڭ دەنەسى زورلىق-زومبىلىق ءىزىنسىز تابىلدى، دەپ حابارلايدى infohub.kz.
15 شىلدەدە «رەگيون 10» ىزدەۋ توبى Instagram الەۋمەتتىك جەلىسىندە قوستانايدا 18 جاستاعى جىگىتتىڭ جوعالعانىن حابارلادى. تۋىستارىنىڭ ايتۋىنشا، ول ۇيدەن ساعات 18:00-دە شىعىپ، بايلانىسقا شىقپاي قويعان.
قوستاناي وبلىسى پوليسيا دەپارتامەنتىنىڭ مالىمەتىنشە، 2008 جىلى تۋعان جاس جىگىتتىڭ بەلگىسىز جوعالۋى بويىنشا ىزدەستىرۋ ءىسى قوزعالعان.
«جەدەل-ىزدەستىرۋ شارالارى بارىسىندا جوعالعان ادامنىڭ دەنەسى زورلىق-زومبىلىقتىڭ سىرتقى بەلگىلەرىنسىز ورتالىق كوپىر اۋدانىنداعى توبىل وزەنىنەن تابىلدى. قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ ءۇشىن قاجەتتى تەرگەۋ شارالارى كەشەنى جۇرگىزىلۋدە»، — دەلىنگەن پوليسيا حابارلاماسىندا.
تەرگەۋ ناتيجەلەرى بويىنشا تۇپكىلىكتى قۇقىقتىق باعا بەرىلەتىنى اتاپ ءوتىلدى.