قوستاناي وبلىسىندا سوت مەملەكەت قاجەتىنە الىنعان جەر ۋچاسكەسى ءۇشىن تولەم مولشەرىن قايتا قاراپ، ونى 118 ميلليون تەڭگەدەن استامعا تومەندەتتى، دەپ حابارلايدى infohub.kz سايتى.
وبلىس پروكۋراتۋراسىنىڭ مالىمەتىنشە، يەلەنۋشى يەلىكتەن شىعارۋ ءراسىمى باستالعانى تۋرالى حابارلاما العاننان كەيىن جىلجىمايتىن م ۇلىك وبەكتىسىن قايتا جاڭعىرتىپ، ونىڭ اۋدانىن ۇلعايتقان. بۇل مالىمدەلگەن ساتىپ الۋ قۇنىنىڭ ەداۋىر وسۋىنە اكەلگەن.
سوت يەسىنىڭ ارەكەتتەرىن ادال ەمەس دەپ تانىپ، ءبىرىنشى ساتىداعى شەشىمدى وزگەرتتى: اقشالاي وتەماقى مولشەرى 273،9 ميلليون تەڭگەدەن 155 ميلليون تەڭگەگە دەيىن تومەندەتىلدى. اپەللياسيالىق ءوتىنىشحاتتى قوستاناي وبلىسىنىڭ پروكۋراتۋراسى بەرگەن.
قاداعالاۋ ورگانىندا مۇنداي تاجىريبە بيۋدجەت قاراجاتىن نەگىزسىز جۇمساۋدى بولدىرماۋعا جانە ادال ەمەس مىنەز-ق ۇلىقتان پايدا تابۋدىڭ جولىن كەسۋگە مۇمكىندىك بەرەتىنى اتاپ ءوتىلدى.