كوستاناي وبلىسىندا Kia Sorento جەڭىل كولىگى مەن DAF جۇك كولىگى قاتىسقان جول اپاتىنان ەكى ادام وقيعا ورنىندا كوز جۇمدى، تاعى ءبىر ادام اۋرۋحاناعا جات قىزىلدى، دەپ حابارلايدى infohub.kz.
كوستاناي–قارابۇتاق تراسساسى بەيىمبەت مايلين اۋدانىنىڭ توبىل اۋىلى ماڭىندا بولعان اپاتقا قاتىستى پوليسيا سوتقا دەيىنگى تەرگەۋدى باستادى. الدىن الا انىقتالعانداي، Kia كولىگىنىڭ جۇرگىزۋشىسى باسقارۋدى جوعالتىپ، قارسى جولاققا شىعىپ، DAF جۇك كولىگىمەن سوقتىعىسقان. جەڭىل كولىكتەگى جۇرگىزۋشى مەن ءبىر جولاۋشى وقيعا ورنىندا كوز جۇمدى، ەكىنشى جولاۋشى اۋرۋحاناعا جات قىزىلدى.
قازىرگى ۋاقىتتا وقيعانىڭ ءمان-جايى مەن سەبەپتەرىن انىقتاۋ ءۇشىن قاجەتتى تەرگەۋ امالدارى جۇرگىزىلۋدە. تەرگەۋ قورىتىندىسى بويىنشا پروسەسسۋالدىق شەشىم قابىلدانادى.
كوستاناي وبلىسى پوليسيا دەپارتامەنتى جۇرگىزۋشىلەردى جول ءجۇرىسى قاعيدالارىن قاتاڭ ساقتاۋعا، جول جانە اۋا رايى جاعدايلارىن ەسكەرە وتىرىپ ءقاۋىپسىز جىلدامدىقتى تاڭداۋعا، اراقاشىقتىقتى ساقتاۋعا جانە قارسى جولاققا شىقپاۋعا شاقىرادى.