جۇمىس ورنىن دۇرىس ۇيىمداستىرۋ شارشاۋ مەن ارقا اۋىرۋىنان ساقتايدى، ال ەكرانعا دەيىنگى قاشىقتىقتىڭ دۇرىس بولماۋى كوزدىڭ تەز شارشاۋىنا، باس اۋرۋىنا جانە بۇكىرەيىپ وتىرۋعا اكەلەدى. بۇل تۋرالى ساراپشىلار ايتتى، دەپ حابارلايدى infohub.kz سايتى.
كوبىمىز كۇنىنە سەگىز ساعات كومپيۋتەردە وتىرامىز، مونيتوردىڭ قايدا تۇرعانىن ويلامايمىز. ەڭ قاراپايىم ەرەجە — ديسپلەيدى سوزىلعان قولدىڭ قاشىقتىعىندا ۇستاۋ. دياگونالى 24 ديۋيم ستاندارتتى مونيتورلار ءۇشىن 50-70 سانتيمەتر قاشىقتىق تاماشا سانالادى.
ەگەر ەكرانىڭىز ۇلكەنىرەك بولسا، مىسالى 27 ديۋيم، ءسال الىسىراق — 80 سانتيمەترگە دەيىن وتىرعان ءجون. ال 32 ديۋيمنەن اساتىن الىپ ديسپلەيلەردىڭ يەلەرى باسىن ۇنەمى بۇرىپ وتىرماس ءۇشىن ولاردى شامامەن ءبىر مەترگە جىلجىتقان دۇرىس.
نوۋتبۋكتەردە جاعداي كۇردەلىرەك، ويتكەنى ولاردىڭ ەكراندارى كىشكەنتاي، ادامدار ءجيى ولارعا قاراي ەڭكەيەدى. بۇل جاعدايدا ماماندار تىرەۋىش پايدالانىپ، بولەك پەرنەتاقتا مەن ءتىنتۋىردى قوسۋدى ۇسىنادى.
كەز كەلگەن مونيتوردىڭ جوعارعى شەگى كوزدىڭ تۋرا الدىندا نەمەسە ءسال تومەن ورنالاسۋى كەرەك، ال ەكراننىڭ ءوزىن ءسال ارتقا قاراي ەڭكەيتكەن ءجون. ۇساق ءماتىن ناشار كورىنسە، ەكرانعا جاقىنداۋدىڭ قاجەتى جوق — پارامەترلەردە ماسشتابتى ۇلكەيتۋ جەتكىلىكتى.