قازاقستاندا لومباردتار بەرگەن، جەكە پايدالانۋعا ارنالعان جىلجىمالى م ۇلىكتى كەپىلگە العان ميكروكرەديتتەردىڭ نەسيە ەسەپتەرىندە كورسەتىلۋ ءتارتىبىن وزگەرتۋ جوسپارلانۋدا. بۇل قارىز الۋشىلارعا وڭ نەسيە تاريحىن ساقتاۋعا مۇمكىندىك بەرەدى، دەپ حابارلايدى infohub.kz سايتى.
قارجى نارىعىن رەتتەۋ جانە دامىتۋ اگەنتتىگى (قرردا) نەسيە ەسەبىنەن وسىنداي ميكروكرەديتتەر بويىنشا مەرزىمى وتكەن كۇندەر سانى، مەرزىمى وتكەن تولەمدەر سوماسى، ءوسىمپۇل (ايىپپۇلدار مەن ءوسىماقى) مولشەرى، سونداي-اق سوڭعى تولەم كۇنى تۋرالى مالىمەتتەردى الىپ تاستاۋدى ۇسىندى. بۇل رەتتە قارىز الۋشىنىڭ مىندەتتەمەلەرى توقتاتىلعانعا دەيىن جانە شارت قولدانىستا بولعان كەزدە ميكروكرەديت نەسيە تاريحىندا «قولدانىستاعى» مارتەبەسىمەن كورسەتىلەدى.
قرردا قاۋلىسىنىڭ جوباسىنا قوسا بەرىلگەن سالىستىرمالى كەستەدە مۇنداي وزگەرىستەر قارىز الۋشىلارعا وڭ نەسيە تاريحىن ساقتاۋعا مۇمكىندىك بەرەتىنى تۇسىندىرىلەدى. رەتتەۋشىنىڭ پىكىرىنشە، بۇل ازاماتتاردىڭ مەملەكەتتىك جانە الەۋمەتتىك قارجىلاندىرۋ باعدارلامالارىنا قاتىسۋ مۇمكىندىگىن كەڭەيتەدى، وندا قولداۋ الۋدىڭ ءبىر شارتى اعىمداعى مەرزىمى وتكەن بەرەشەكتىڭ بولماۋى بولىپ تابىلادى.
اگەنتتىكتە سونداي-اق لومباردتاردىڭ ميكروكرەديتتەرى كرەديتوردىڭ تالاپتارىن قامتيتىن كەپىلگە قويىلعان م ۇلىكپەن تولىق قامتاماسىز ەتىلگەنىن اتاپ وتەدى. سوندىقتان مۇنداي نەسيە بويىنشا مەرزىمىنىڭ ءوتۋى نەمەسە وتەلمەۋى، قۇجات ازىرلەۋشىلەردىڭ پىكىرىنشە، قارىز الۋشىنىڭ تولەم قابىلەتسىزدىگىن كورسەتپەيدى جانە ونىڭ نەسيە تاريحىنا تەرىس اسەر ەتپەۋى ءتيىس.
«لومباردقا جۇگىنگەن كەزدە قارىز الۋشى باستاپقىدا كەپىلگە قويىلعان م ۇلىكتى ساتىپ الۋدى كوزدەمەۋى مۇمكىن. لومباردتارعا يەسى ءۇشىن قۇندىلىعىن جوعالتقان زەرگەرلىك بۇيىمدار ءجيى كەپىلگە قويىلادى: نەكە بۇزىلعاننان كەيىنگى نەكە ساقينالارى، ەسكىرگەن ديزاينداعى بۇيىمدار، سىيعا تارتىلعان نەمەسە مۇراعا قالعان اشەكەيلەر، تولىق ەمەس نەمەسە زاقىمدالعان بۇيىمدار، سونداي-اق تابىلعان زاتتار. وسىلايشا، مۇنداي بۇيىمداردى ساتىپ الماۋ كليەنتتىڭ سانالى شەشىمى بولىپ تابىلادى»، – دەپ ءتۇسىندىردى قرردا-دا.
2025 جىلعى جەلتوقساندا قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى مادينا ءابىلقاسىموۆا 18 بەن 21 جاس ارالىعىنداعى 19 مىڭعا جۋىق قازاقستاندىقتىڭ ميكروقارجى ۇيىمدارىندا 90 كۇننەن استام مەرزىمى وتكەن بەرەشەگى بار ەكەنىن حابارلادى.
بۇعان دەيىن مەرزىمى وتكەن نەسيەلەرى بار قازاقستاندىقتار جاقسى جاڭالىق العان بولاتىن.