كرەمل رەسەيدىڭ يركۋتسك وبلىسىندا وبا ىندەتىنىڭ ءورشۋى مۇمكىندىگى تۋرالى حابارلامالارعا تۇسىنىكتەمە بەرىپ، تەك روسپوترەبنادزوردىڭ رەسمي ۇستانىمىنا سۇيەنۋگە جانە وسەك-ايانعا سەنبەۋگە شاقىردى، دەپ حابارلايدى infohub.kz سايتى.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ جۋرناليستەرگە يركۋتسك وبلىسىنداعى جاعداي بويىنشا روسپوترەبنادزوردىڭ رەسمي ۇستانىمىنا سۇيەنۋ كەرەكتىگىن مالىمدەدى. «بۇل جاعدايدا وسى سالادا قۇزىرەتتى باس ۆەدومستۆو — روسپوترەبنادزور. ءدال وسى روسپوترەبنادزوردىڭ رەسمي مالىمدەمەلەرىنە سۇيەنۋ كەرەك، ءتۇرلى وسەك-ايانعا، ءتۇرلى پىكىرلەرگە جانە ت.ب. قۇلاق اسپاۋ قاجەت. روسپوترەبنادزور بار، وندا وسى سالانىڭ جوعارى كاسىپقوي ماماندارى جۇمىس ىستەيدى»، — دەدى پەسكوۆ كرەملدە يركۋتسك وبلىسىنداعى جاعدايدى قاداعالاپ وتىر ما دەگەن سۇراققا جاۋاپ بەرىپ.
بۇعان دەيىن بۇقارالىق اقپارات قۇرالدارى رەسەيدىڭ يركۋتسك وبلىسىندا وباعا كۇدىكپەن وباعا قارسى ينستيتۋت قىزمەتكەرى قايتىس بولعانىن حابارلاعان. مارقۇم دياگنوستيكا ءۇشىن بيوماتەريال جيناپ جاتقاندا زەرتحانادا ءقاۋىپتى باكتەرياسى بار پروبيركانى ابايلاماي سىندىردى دەپ بولجانعان.
كەيىنىرەك قازاقستاننىڭ دەنساۋلىق ساقتاۋ مينيسترلىگى رەسەيدە اسا ءقاۋىپتى ينفەكسياعا كۇدىك تۋرالى اقپاراتتان كەيىن رەسپۋبليكادا قابىلدانعان شارالار تۋرالى ايتتى.