يراننىڭ يسلام رەۆوليۋسياسى كۇزەتشىلەرى كورپۋسى (كسير) تاياۋ شىعىس ەلدەرىنىڭ تۇرعىندارىن امەريكان اسكەرلەرى ورنالاسقان اۋدانداردان الىس جۇرۋگە شاقىردى. بۇل تۋرالى تۇرىك «انادولۋ» اگەنتتىگىنە سىلتەمە جاساعان infohub.kz سايتى حابارلايدى.
كسير ايماق ەلدەرىندەگى اقش-تىڭ اسكەري بازالارىندا ورنالاسقان امەريكاندىق اسكەريلەردىڭ كوپشىلىگى ول جەرلەردەن شىعىپ، قالا ورتالىقتارىنداعى عيماراتتارعا كوشىپ ورنالاسقانىن مالىمدەدى.
يران تاراپى ايماق ەلدەرىنىڭ تۇرعىندارىن امەريكان اسكەرلەرى ورنالاسقان اۋدانداردان كەمىندە 500 مەتر قاشىقتىقتا بولۋعا شاقىردى.
بۇعان دەيىن The New York Times باسىلىمى يراندىق جانە يراكتىق شەنەۋنىكتەرگە سىلتەمە جاساپ، تەگەران ترامپتىڭ اتىستى توقتاتۋ تۋرالى ۇسىنىسىن قابىلداماعانىن حابارلادى.