ينتەرنەتتە ەرلان قويشىباەۆتىڭ جاقىن ارادا قتج باسقارما ءتوراعاسىنىڭ ءبىرىنشى ورىنباسارى قىزمەتىنە تاعايىندالاتىنى تۋرالى اقپارات تارادى، دەپ حابارلايدى infohub.kz.
Threads الەۋمەتتىك جەلىسىندەگى Logi_kaz باسىلىمىنىڭ اككاۋنتىندا قتج-دا تاعى دا كادرلىق وزگەرىستەر كۇتىلەتىنى تۋرالى جازبا جاريالاندى. باسىلىمنىڭ مەنشىكتى دەرەككوزىنە سۇيەنسەك، «قتج» ۇك» اق باسقارما ءتوراعاسىنىڭ ءبىرىنشى ورىنباسارى لاۋازىمىنا قازىرگى ۋاقىتتا لوگيستيكا جونىندەگى باسقارما ءتوراعاسىنىڭ ورىنباسارى قىزمەتىن اتقاراتىن ەرلان قويشىبايەۆ تاعايىندالادى دەپ كۇتىلۋدە. دەرەككوزدىڭ ايتۋىنشا، بۇل كادرلىق شەشىم ۇلتتىق تاسىمالداۋشىنىڭ نەگىزگى جۇمىس باعىتتارىن باسقارۋدى كۇشەيتۋگە مۇمكىندىك بەرەتىن لوگيكالىق قادام رەتىندە قاراستىرىلۋدا. قويشىباەۆتىڭ لوگيستيكاداعى تاجىريبەسى قتج-عا مەملەكەت باسشىسى قويعان 2026 جىلعى باستى مىندەت — تەمىرجول ءترانزيتىنىڭ كولەمىن 55 ملن تونناعا دەيىن ارتتىرۋدى ورىنداۋعا كومەكتەسەدى دەپ ايتىلۋدا.
الايدا بۇل اقپاراتتى «قازاقستان تەمىر جولى» ۇك» اق ءباسپاسوز قىزمەتى بىردەن جوققا شىعاردى. «بۇل اقپارات شىندىققا سايكەس كەلمەيدى. ق ر زاڭناماسىنا سايكەس جالعان اقپارات تاراتقانى ءۇشىن جاۋاپكەرشىلىك تۋرالى ەسكە سالامىز»، — دەپ ەسكەرتتى كومپانيا.