«قازاقستان تەمىر جولى» (قتج) ۇلتتىق تاسىمالداۋشىسى پويىز بيلەتتەرىنە كۇزگى جارمەڭكە باستادى. جولاۋشىلارعا ءبىرقاتار باعىت بويىنشا 20%-دان 30%-عا دەيىنگى جەڭىلدىك ۇسىنىلىپ وتىر، دەپ حابارلايدى infohub.kz سايتى.
ۇلتتىق تاسىمالداۋشىنىڭ ءباسپاسوز قىزمەتى ناقتىلاعانداي، ناۋقان تەك التى باعىتقا جانە ۆاگونداردىڭ بەلگىلى ءبىر تۇرلەرىنە عانا قاتىستى. تاعى ءبىر شەكتەۋ بار: ءسوز دۇيسەنبىدەن بەيسەنبىگە دەيىن جونەلتىلەتىن پويىزدار تۋرالى بولىپ وتىر. ارزانداتىلعان باعامەن بيلەت ساتۋ 19 قىركۇيەكتەن باستالدى.
مىنە، قاي باعىتتار تۋرالى ايتىلىپ وتىر:
1. №77/78 «الماتى – ماڭعىستاۋ». ۆاگون ءتۇرى: كۋپە. جەڭىلدىك: 20%.
2. №9/10 «استانا – الماتى». ۆاگون ءتۇرى: وتىرىپ جۇرەتىن. جەڭىلدىك: 30%.
3. №67/68 «استانا – وسكەمەن». ۆاگون ءتۇرى: وتىرىپ جۇرەتىن. جەڭىلدىك: 30%.
4. №65/66 «استانا – قىزىلوردا». ۆاگون ءتۇرى: تۋريستىك (كۋپە). جەڭىلدىك: 25%.
5. №11/12 «الماتى – شىمكەنت». ۆاگون ءتۇرى: تۋريستىك (كۋپە). جەڭىلدىك: 20%.
6. №25/26 «الماتى – شىمكەنت». ۆاگون ءتۇرى: تۋريستىك (كۋپە). جەڭىلدىك: 20%.
«قوسىمشا اقپاراتتى 1433 تەگىن ءنومىرى ارقىلى، سونداي-اق «جولاۋشىلار تاسىمالى» اق-نىڭ Instagram-داعى رەسمي پاراقشاسىنان — @jolaushylar_tasymaly — الۋعا بولادى»، — دەپ قوستى ءباسپاسوز قىزمەتى.
بيلەت باعاسى تۋرالى
جازدا جۋرناليستەر قتج ءتوراعاسىنىڭ ورىنباسارى انۋار احمەتجانوۆتان نەگە كەيبىر جاعدايدا پويىزبەن ءجۇرۋدىڭ قۇنى ۇشاق بيلەتىمەن شامالاس بولاتىنىن سۇراعان ەدى. ۇلتتىق تاسىمالداۋشى وكىلىنىڭ ايتۋىنشا، پويىز بيلەتتەرىنىڭ باعاسى ماۋسىمعا نەمەسە تاۋلىك ۋاقىتىنا قاراي وزگەرمەيدى جانە جىل بويى بىردەي بولىپ قالادى، سوندىقتان ولاردى اۋە بيلەتتەرىمەن سالىستىرۋ دۇرىس ەمەس.
بۇعان دەيىن «كۋرسيۆ» قتج-دا ءبىر كۋپەگە تانىس ەمەس ەرلەر مەن ايەلدەردىڭ بيلەت الۋىنا تىيىم سالۋ تالقىلانىپ جاتقانىن جازعان بولاتىن.