قازاقستاندىق كۇرەسكەر كۋات حاميتوۆ الەمدەگى ەڭ ءىرى جالاڭ جۇدىرىق سايىسى ليگاسى Bare Knuckle Fighting Championship (BKFC) ونەر كورسەتۋ ۇسىنىسىن الدى، دەپ حابارلايدى infohub.kz سايتى.
بۇل تۋرالى سپورتشى Instagram-دا جازدى. «Bare Knuckle FC-تە ونەر كورسەتۋ ۇسىنىسىن الدىم. ەگەر شارتتار بويىنشا كەلىسسەك، كۇزدە وزىمە جاڭا ۇيىمدا ونەر كورسەتەمىن»، – دەلىنگەن حابارلامادا.
Bare Knuckle Fighting Championship (BKFC) – فيلادەلفيادا ورنالاسقان، جالاڭ جۇدىرىق سايىسىن ۇيىمداستىراتىن الەمدەگى ەڭ ءىرى ۇيىم. 2018 جىلى قۇرىلعان BKFC 1889 جىلدان بەرى اقش اۋماعىندا جالاڭ جۇدىرىق بوكسى تۋرنيرلەرىن وتكىزۋگە رەسمي رۇقسات العان العاشقى كومپانيا بولدى. سوڭعى جىلدارى ليگادا ارالاس جەكپە-جەك جانە كاسىبي بوكستىڭ كوپتەگەن تانىمال فايتشىلارى ونەر كورسەتتى.
ايتا كەتەيىك، وسى ايدا حاميتوۆ RAF ۇيىمىندا دەبيۋت جاساپ، ەركىن كۇرەس ەرەجەسىمەن UFCء-دىڭ تانىمال فايتشىسى ارمان سارۋكيانمەن كەزدەستى. قازاقستاندىق بۇل جەكپە-جەكتە جەڭىلىپ، ودان كەيىن تاعى ءبىر تانىمال قارسىلاسپەن جەكپە-جەك وتكىزۋدى ۇسىندى.