تۇركىستان وبلىسىندا كۇكىرت قىشقىلى زاۋىتىن سالىپ جاتقان Taiqonyr Qyshqyl Zauyty كومپانياسى دەپوزيتتەر بويىنشا سىياقى ەسەبىنەن 103،9 ملن تەڭگە پايدا تاپتى، دەپ حابارلايدى infohub.kz سايتى.
2025 جىلدىڭ قورىتىندىسى بويىنشا كاسىپورىن 103،9 ملن تەڭگە پايدا كوردى، ال ءبىر جىل بۇرىن شىعىن 818 مىڭ تەڭگەنى قۇراعان ەدى. كومپانيا تۇركىستان وبلىسىندا جىلىنا 800 مىڭ توننا كۇكىرت قىشقىلىن وندىرەتىن زاۋىت قۇرىلىسى جوباسىن جۇزەگە اسىرۋدا.
قۇرىلىس ءالى اياقتالماعاندىقتان، ءتۇسىم مەن وپەراسيالىق كىرىستەر جوق، ال اكىمشىلىك شىعىندار 86 ملن تەڭگەگە جەتتى. جيناق شوتتارىندا ورنالاستىرىلعان سالىمدار بويىنشا سىياقى 216 ملن تەڭگە كىرىس اكەلدى. كومپانيانىڭ دەپوزيتتەرىندە 879 ملن تەڭگە ساقتاۋلى.
قۇرىلىستى مەملەكەتتىك قازاقستان دامۋ بانكى قارجىلاندىرادى. نەسيە جەلىسى بويىنشا جالپى ليميت 85 ملرد تەڭگەنى قۇرايدى، ال جوبانىڭ قۇنى 113 ملرد تەڭگەگە باعالانۋدا. 2025 جىلدىڭ سوڭىندا Taiqonyr Qyshqyl Zauyty قدب-دان جالپى سوماسى 37،7 ملرد تەڭگە بولاتىن ءۇش ترانش الدى. نەسيەلەر بويىنشا پايىزدىق مولشەرلەمە — 15،83%، وتەۋ مەرزىمى — 2033 جىلدىڭ 30 قازانىنا دەيىن.
2025 جىلدىڭ مامىرىندا «قازاتومپروم» زاۋىت قۇرىلىسىن اياقتاۋ 2027 جىلدىڭ ءبىرىنشى توقسانىنا جوسپارلانعانىن حابارلاعان بولاتىن.
Taiqonyr Qyshqyl Zauyty كومپانياسىنىڭ 60% Asia Pipeline Services-كە، ال 40% «قازاتومپرومنىڭ» ەنشىلەس قۇرىلىمى — «قازاتومپروم – SaUran»-عا تيەسىلى. باستاپقىدا جوبانى «قازاتومپرومنىڭ» ءوزى جۇزەگە اسىرعان، ءبىراق كەيىن ۇلتتىق كومپانيا ءوز ۇلەسىنىڭ ءبىر بولىگىن بەرگەن.
ءقازىر ماجوريتارلىق پاكەت Asia Pipeline Services-كە تيەسىلى، ال ونى ءوز كەزەگىندە مقفا-دا تىركەلگەن TSKZ Solutions يەلەنەدى. سوڭعىسىنىڭ جالعىز يەسى — ءىرى قۇرىلىس كومپانياسى Qazaq Stroy. Qazaq Stroy-دىڭ نەگىزىن قالاۋشىسى جانە قۇرىلتايشىسى نۇرلان ارتىقبايەۆ — Forbesء-تىڭ قازاقستانداعى تىزىمىندە 21-ورىندا، بايلىعى $508 ملن.
سونىمەن قاتار، Taiqonyr Qyshqyl Zauyty ەسەبى مەن Adata دەرەكتەرىنە سايكەس، Qazaq Stroy-دىڭ رەسمي قۇرىلتايشىلارى نادەجدا ارتىقباەۆا — 95% (ارتىقباەۆپەن تۋىستىق بايلانىسى بەلگىسىز) جانە دميتري لي (5%).
بۇعان دەيىن سەرىكتەسى نۇرلان ارتىقبايەۆ بولىپ تابىلاتىن جەكە كومپانيا Qazaq Kalium Ltd. 2025 جىلدىڭ قورىتىندىسى بويىنشا 1،2 ملرد تەڭگە شىعىنعا ۇشىراعانى حابارلانعان ەدى.