كۇنباعىس پاننوسى

تاقىرىبى: كۇنباعىس پاننوسى
ماقساتى: وقۋشىلارعا «كۇنباعىس» پاننوسىن جاساۋدى ۇيرەتۋ. تانىمدىق قابىلەتتەرىن، قول يكەمىن دامىتۋ. ەستەتيكالىق تاربيە بەرۋ.
ساباقتىڭ ءتيپى: ارالاس ساباق
ءادىسى: سۇراق - جاۋاپ، ءتۇسىندىرۋ، كورنەكىلىك
كورنەكىلىگى: دايىن پاننو. وقۋشىلارعا كەرەكتى قۇرال-جابدىقتار: سارى، جاسىل، اشىق جاسىل جانە قارا ءتۇستى توقىما ءجىبى، قاتىرما قاعاز، پۆا جەلىمى، قايشى، قارىنداش.

بارىسى:
I. ۇيىمداستىرۋ كەزەڭى. ساباققا دايىندىق.
II. ماقسات قويۋ كەزەڭى. ساباقتىڭ تاقىرىبىمەن، ماقساتىمەن تانىستىرۋ.
III. جاڭا ماتەريالدى ءتۇسىندىرۋ كەزەڭى. ا) ءمۇعالىمنىڭ تۇسىندىرمەسى.
كۇنباعىس – ءىرى جاپىراقتى، سارى گۇلدى، ءدانى مايلى وسىمدىك. ودان وسىمدىك مايىن، شەكىلدەۋىك الادى. كۇنباعىستى كوز الدىمىزعا ەلەستەتە وتىرىپ، ءوز بەتىمىزشە جاساپ كورەيىك. سەرگىتۋ ءساتى

IV. جاڭا ماتەريالدى مەڭگەرگەنىن تەكسەرۋ كەزەڭى.
1. وقۋلىقپەن جۇمىس. ىشتەي، تىزبەكتەي وقىتۋ. 2. سۇراق - جاۋاپ.
3. پراكتيكالىق جۇمىس.
جۇمىستىڭ ورىندالۋ رەتى:
1. قاتىرما قاعازدىڭ ءدال ورتاسىنا قارىنداشپەن كۇنباعىستىڭ سۋرەتىن سالامىز.
2. كۇنباعىستىڭ ءدانىن جاساۋ ءۇشىن قاتىرما قاعازعا ازداپ جەلىم جاعىپ، قارا ءتۇستى توقىما ءجىبىن اينالدىرا وتىرىپ جەلىمدەيمىز.
3. توقىما ءجىپتىڭ سارى تۇسىمەن كۇنباعىستىڭ گۇل كۇلتەلەرىن جەلىمدەيمىز.
4. كۇنباعىستىڭ ساباعىن جاساۋ ءۇشىن جاسىل ءتۇستى ءۇش توقىما ءجىپتى ءورىپ الىپ، قاتىرما قاعازعا جاپسىرامىز.
5. جاپىراقتارىنا اشىق جاسىل ءتۇستى توقىما ءجىبىن تاڭداپ، ونى دا جەلىمدەيمىز.
جۇمىس بارىسىندا تەحنيكا قاۋىپسىزدىگىن ساقتاۋ.

V. بەكىتۋ كەزەڭى. قورىتىندىلاۋ. بۇگىنگى ساباقتا نە ۇيرەندىك؟ كۇنباعىس قاي جەرلەردە وسەدى؟ ودان قانداي شيكىزاتتار الىنادى؟
VI. باعالاۋ. وقۋشىلاردىڭ ەڭبەگىن سالىستىرا وتىرىپ، باعالاۋ.