«كۇنشۋاق» جازعى دەمالىس لاگەرىنىڭ جۇمىس جوسپارى

ماقساتى:
«كۇنشۋاق» لاگەرىنە كەلگەن ءاربىر وقۋشىنى الدىمەن جاقسىلىققا، ادامگەرشىلىككە، ۇيىمشىلدىققا تاربيەلەي وتىرىپ، وقۋشىلاردىڭ جازعى دەمالىس ۋاقىتىن ءتيىمدى پايدالانا بىلۋگە ۇيرەتۋ. بالالاردىڭ جاز مەزگىلىندەگى دەمالىسىن، ساۋىقتىرىلۋى مەن ءتيىمدى ءارى ماعىنالى وتكىزۋگە جاعدايلار جاساۋ، قاۋىپسىزدىك ەرەجەلەرىن ۇيرەتە وتىرىپ سالاۋاتتى ءومىر سالتىن قالىپتاستىرۋ، رۋحاني جانە مادەني بىلىمدەرىن جەتىلدىرۋ، سالت – ءداستۇرىن دامىتۋ، وتان سۇيگىشتىك – پاتريوتتىق سەزىمىن ارتتىرۋ.

مىندەتتەرى:
- لاگەرگە بالالاردىڭ ۋاقىتىمەن، تولىق كەلۋلەرىن قاداعالاۋ؛
- ءار كۇندى باعدارلاما بويىنشا ۇيىمداسقان تۇردە وتكىزۋ؛
- بالالاردىڭ ويىن الاڭىنداعى ەرتەڭگىلىك دەنە جاتتىعۋلارىن، قيمىل - قوزعالىس ويىندارىن باقىلاۋعا الۋ؛
- ساياحات جانە جورىق كەزىندەگى قاۋىپسىزدىك ەرەجەلەرىنىڭ ساقتالۋىن ەسكە الۋ، باقىلاۋ؛
- لاگەر جاعدايىندا ءبىرىڭعاي تارتىپتە سالتاناتتى جيىندار وتكىزۋ؛
- سۋرەت، قولونەر تاقىرىپتارىندا شىعارماشىلىق قابىلەتتەرىن ارتتىرۋ ماقساتىندا كورمە، كونكۋرس ۇيىمداستىرۋ؛
- ۇلتتىق ويىندار، لوگيكالىق جانە سپورتتىق ويىن تۇرلەرى ارقىلى بالالاردىڭ قىزىعۋشىلىعىن ارتتىرۋ.

كۇتىلەتىن ناتيجە:
- بالالاردىڭ دەنساۋلىعىن نىعايتۋ جانە جەكە گيگيەنا داعدىلارىن ۇيرەتۋ.
- ءتۇرلى شارالارعا قاتىسۋ ارقىلى بالالاردىڭ تابيعي قابىلەتتەرىن اشۋ، شىعارماشىلىعىن دامىتۋ.
- مەيىرىمدىلىككە، ءوزىن - ءوزى سىيلاۋعا، ءبىر - بىرىنە قولداۋ كورسەتۋگە، دوستىق قارىم - قاتىناستى قالىپتاستىرۋ.
- تابيعات اياسىندا، كولىكتە، كوشەدە جانە قوعامدا ءجۇرىپ - تۇرۋ ەرەجەلەرىن قالىپتاستىرۋ.

«كۇنشۋاق» جازعى دەمالىس لاگەرىنىڭ جۇمىس جوسپارى. جۇكتەۋ