امەريكالىق ب ا ق اقش پرەزيدەنتى دونالد ترامپتى انكاراداعى ناتو ءسامميتى كەزىندە ىقتيمال قاستاندىقتان قۇتقارۋ بويىنشا قۇپيا وپەراسيانىڭ مالىمەتتەرىن جاريا ەتتى، دەپ حابارلايدى infohub.kz سايتى.
Washington Post گازەتىنىڭ دەرەگىنشە، بۇل وقيعا شىلدە ايىندا بولعان. New York Times باسىلىمى دا بۇل اقپاراتتى راستادى. سوندا ترامپ تەلەكامەرالاردىڭ كوز الدىندا نەگىزگى Air Force One ۇشاعىنا وتىرعان، ءبىراق كوپ ۇزاماي يران تاراپىنان ءقاۋىپ تونگەندىكتەن، ول جاسىرىن تۇردە باسقا، ونشا كوزگە تۇسپەيتىن ۇشاققا اۋىسقان.
«انكارادا ترامپ تەلەكامەرالاردىڭ كوز الدىندا ەسكى ەكى قاباتتى Air Force One ۇشاعىنا وتىردى. الايدا بىرنەشە مينۋتتان كەيىن ونى جاسىرىن تۇردە كىشىرەك ۇشاققا اۋىستىردى. بۇل ءۇشىن ۇشۋ الدىندا بورتىنداعى تاماقتى تيەۋگە ارنالعان اەروپورتتىق ازىق-ت ۇلىك جۇك كولىگى پايدالانىلدى»، — دەلىنگەن حابارلامادا.
نەگىزگى بورتىندا بولعان جۋرناليستەر مەن اق ءۇيدىڭ قىزمەتكەرلەرى پرەزيدەنت ولارمەن بىرگە ۇشىپ بارادى دەپ سەنگەن، ولاردان يلليۋميناتورلاردىڭ پەردەلەرىن جابۋ سۇرالدى. بۇل كەزدە ترامپ كىشىرەك C-32A ۇشاعىندا پەنتاگون باسشىسى پيت حەگسەتپەن بىرگە ۇشتى، تەك ۇلىبريتانيادا عانا ول نەگىزگى لاينەرگە قايتا ورالدى.
بۇعان دەيىن «كۋرسيۆ» دونالد ترامپ تەگەران ورمۋز بۇعازىن تولىق اشقان جاعدايدا، جاڭا يادرولىق كەلىسىم جاسالماسا دا، يرانمەن سوعىستىڭ اياقتالعانىن جاريالاۋعا دايىن ەكەنىن حابارلاعان.