پاۆلودار وبلىسىندا دارىگەرلەر 52 جاستاعى ەر ادامنىڭ اياقتارىن امپۋتاسيادان ساقتاپ قالدى، تومەنگى اياقتارداعى قان اينالىمىن قالپىنا كەلتىردى. 30 جىل بويى شىلىم شەككەن ناۋقاس كارديوورتالىققا جۇرگەندە اياقتارىنىڭ قاتتى اۋىرۋى جانە ۇيۋى تۋرالى شاعىممەن ءتۇستى، دەپ حابارلايدى infohub.kz سايتى.
تەكسەرۋ كورسەتكەندەي، ەر ادامنىڭ قولقاسى مەن مىقىن ارتەريالارى تولىعىمەن بىتەلگەن، وسىعان بايلانىستى قان تومەنگى اياقتارعا دەرلىك جەتپەگەن. گانگرەنا دامۋى جانە كەيىننەن امپۋتاسيا ءقاۋپى وتە جوعارى بولعان.
ناۋقاس دارىگەرلەردىڭ ونى ىقتيمال سالدارلار تۋرالى ەسكەرتكەنىن ايتتى: «اياقتارىڭدا جارالار پايدا بولادى، ساۋساقتارىڭ كوگەرەدى، ۇيىپ قالادى دەپ ەسكەرتكەن. ەشتەڭە جاساماساڭ، اياقتارىڭدى كەسىپ تاستايدى دەگەن. مۇمكىن، از قوزعالعاندىقتان شىعار، ۇنەمى ماشينادامىن، جۇمىس وتىرىقشى – 12 ساعات كرەسلودا وتىرامىن. ەكىباستۇزدا دەپو بويىنشا كەزەكشى بولىپ جۇمىس ىستەيمىن، از قوزعالامىن. جۇمىستا دا ءجيى شىلىم شەگەمىن، اسىرەسە تۇندە. ءبىر اۋىسىمدا ءبىر قوراپ تەمەكى تاۋىساتىنمىن».
دارىگەرلەردىڭ ايتۋىنشا، ءدال وسى شىلىم شەگۋ ەر ادامدى اۋرۋحانا توسەگىنە جەتكىزگەن. اياقتارىن ساقتاپ قالۋ ءۇشىن تامىر حيرۋرگتارى وتە كۇردەلى وپەراسيا – اورتا-سان بيفۋركاسيالىق شۋنتتاۋ جاسادى، ول بەس ساعاتتان استام ۋاقىتقا سوزىلدى.
پاۆلودار وبلىستىق كارديولوگيالىق ورتالىعىنىڭ تامىر حيرۋرگى نەسىپجان پىرىمبەت ءتۇسىندىردى: «ىشتە قولقا دەپ اتالاتىن ۇلكەن تامىر جابىق بولعان، مىقىن ارتەرياسى دا تولىعىمەن جابىق بولعان. ءبىز شۋنت ارقىلى – بۇل جاساندى تامىر – تومەنگى اياقتارعا قان اعىنىن وتكىزىپ، ونى قالپىنا كەلتىردىك».
ءقازىر ناۋقاستىڭ جاعدايى بىرتىندەپ جاقسارىپ كەلەدى: ول وزدىگىنەن ءجۇرىپ ءجۇر، وڭالتۋ كۋرسىنان ءوتىپ، ۇيىنە شىعۋعا دايىندالۋدا. ساۋىققان سوڭ ەر ادام جۇمىسقا قايتا ورالىپ، سالاۋاتتى ءومىر سالتىن ۇستانۋدى جوسپارلاپ وتىر.