جاپونيانىڭ حوككايدو ارالىنداعى كۋسيرو اۋەجايىندا ۇشۋ-قونۋ جولاعىن جابايى جانۋارلاردان قورعاۋ ءۇشىن اۆتونومدى «Monster Wolf» قۇرىلعىسى پايدالانىلا باستادى. GPS-ناۆيگاسياسى بار وزدىگىنەن جۇرەتىن ءشوپشاپقىشقا ورناتىلعان روبوت اۋەجايدىڭ جابىق ايماعىندا شامامەن 250 مەتر جەردى پاترۋلدەيدى، دەپ حابارلايدى infohub.kz.
ينفرا قىزىل داچيكتەر تۇلكى، قويان جانە باسقا دا ۇساق جانۋارلاردى انىقتاعان كەزدە، قۇرىلعى 50 دىبىستىڭ ءبىرىن، سونىڭ ىشىندە قاسقىردىڭ ۇلۋىن شىعارادى. Hokkaido Airports Co. كومپانياسىنىڭ مالىمەتىنشە، بۇل جاپونياداعى اۆتونومدى «Monster Wolf» روبوتىنىڭ العاشقى تولىق اۋقىمدى قولدانىسى.
قۇرىلعىنى ەنگىزۋ تۋرالى شەشىم 2024 جىلى باستالعان ەكى جىلدىق سىناقتان كەيىن قابىلداندى. كومپانيا سىناق جۇيەنىڭ تيىمدىلىگىن راستاپ، اۋەجاي اۋماعىندا ۇساق جانۋارلاردىڭ پايدا بولۋ جاعدايلارىن ازايتۋعا كومەكتەسكەنىن اتاپ ءوتتى.
كۋسيرو اۋەجايىن پايدالانۋ ءبولىمىنىڭ باسشىسى اكيحيرو ميكامي روبوت ۇشاقتاردىڭ جانۋارلارمەن سوقتىعىسۋ ءقاۋپىن ازايتىپ، ولاردى ۇركىتۋ شارالارىنىڭ تيىمدىلىگىن ارتتىرادى دەگەن ءۇمىت ءبىلدىردى.