كۇزگى تابيعات

ءبىلىم سالاسى: «قاتىناس»
ءبولىمى: ءتىل دامىتۋ
تاقىرىبى: كۇزگى تابيعات

ماقساتى
• كۇزگى تابيعاتتاعى، اۋا رايىنداعى وزگەرىستەردى بايقاي وتىرىپ، ارتيكۋلياسيالىق جانە داۋىس اپپاراتىن دامىتۋ؛
• قويىلعان سۇراقتى تىڭداپ، دۇرىس جاۋاپ بەرۋگە تاربيەلەۋ؛
• تابيعاتتاعى، اۋا رايىنداعى وزگەرىستەردى بايقاۋعا تالپىندىرۋ.
قۇرال - جابدىقتار، كورنەكىلىكتەر ورمان ماكەتتەرى، شىرشا، اققايىڭ، تەرەك، ەمەن، بۇتالار؛ قويان، تۇلكىنىڭ سۋرەتتەرى، جاپىراقتار.
سوزدىك جۇمىسى
قالقىپ، مۇلگيدى، ىشىك.
بيلينگۆالدى كومپونەنت
جاپىراق - ليست، ورمان - لەس، كۇز – وسەن

موتيۆاسيالىق - قوزعاۋشىلىق
جىلۋلىق شەڭبەرى
قايىرلى تاڭ!
قايىرلى تاڭ، ءمولدىر كوزدەرىم!
قايىرلى تاڭ، جۇمساق قولدارىم!
قايىرلى تاڭ، مىقتى اياقتارىم!
قايىرلى تاڭ، ارايلى كۇن، اسپان!
ولەڭ تىڭدايمىز
ماقسۇت نەتاليەۆتىڭ «كۇز سۋرەتى» ولەڭىن وقۋ:
سارى الا جاپىراقتار،
قونادى قالقىپ ۇشىپ.
مۇلگيدى اتىراپ بار،
جامىلىپ التىن ىشىك.
بۋ شىعىپ بۇيىرىنەن،
اعادى جىلعا - بۇلاق.
سۇراقتار قويۋ:
- بالالار، بۇل ولەڭدە نە تۋرالى ايتىلعان، قانداي جىل مەزگىلى تۋرالى جازىلعان؟
جاۋاپتارىن تىڭداپ، تولىقتىرۋ.
جاڭىلتپاش ايتامىز
ساناي بەر، قاراي بەر،
بوياۋى ءجۇز، كەلدى كۇز.
«جاپىراقتار» تىنىس الۋ جاتتىعۋى
جىپكە بايلانعان جاپىراقتىڭ ۇلگىسىنە ۇرلەتۋ.
جاپىراقتاردىڭ قايدا ۇشىپ باراتىنى تۋرالى سۇراق قويىپ، بالالاردى ورمانعا سەرۋەنگە بارۋعا شاقىرۋ.
- كوزىمىزدى جۇمىپ، سارى جاپىراقتار سياقتى اينالىپ، ورمانعا ۇشىپ بارامىز.

ۇيىمداستىرۋ - ىزدەستىرۋ
«ورمانداعى وقيعا» ويىنى
توپتىڭ ءبىر بۇرىشىنا الدىن الا ورمان كورىنىسىن دايىنداۋ: اعاشتار مەن بۇتالار، تىعىلىپ وتىرعان سۇر قويان، تۇلكىنىڭ سۋرەتتەرى.
«بۇل قانداي جانۋار؟» ويىنى
- بالالار، ورماندا قانداي جانۋارلاردى كەزدەستىرۋگە بولادى؟
- قاراڭدارشى، اناۋ اعاشتىڭ اراسىندا بىرەۋ وتىرعان سياقتى (قوياننىڭ قۇلاقتارىن كورسەتۋ)
بالالارمەن اعاشقا جاقىنداپ قوياننىڭ سۋرەتىنە نازار اۋدارۋ، سۇراقتار قويۋ:
- قويان قانداي؟ ءتۇسى قانداي؟
وسى رەتپەن سۋرەتتەن تۇلكىنە دە تاپ قىزىپ، ول تۋرالى سۇراقتار قويۋ، ەكەۋىن سالىستىرۋ.
سوزدىك جۇمىسى: «قالقىپ، مۇلگيدى، ىشىك» دەگەن سوزدەردىڭ ماعىناسىن ءتۇسىندىرۋ.
«جاڭعاقتاردى سەبەتكە جينا» ديداكتيكالىق ويىنى
- بالالار، جەردە كوپ جاڭعاقتار جاتىر، قانە، تەرىپ جينايىق، مىنا سەبەتكە سالايىق، ايۋ قارنى اشىپ ويانعاندا، سەبەتتەگى جاڭعاقتاردى الىپ جەيدى.
ايۋ دەگەندە قانداي ءارىپ ەستىلىپ تۇر؟
ا - ا - ا - ا - ا - ا - ا
بالالاردىڭ قولدارىنا سەبەتتەر بەرىلەدى، ورمان ىشىندە جاتقان تۇستەرى، كولەمدەرى ءارتۇرلى جاڭعاقتاردى جيناۋعا تاپسىرما بەرىلەدى (جاڭعاقتاردىڭ ىشىندە جاسىل جاڭعاقتار دا بار، ولاردى جيناماۋ كەرەكتىگىن ەسكەرتۋ). ويىن سوڭىندا نەگە جاسىل جاڭعاقتاردى جيناماۋ كەرەكتىگىن سۇراۋ.
- سەبەتتەردى اعاشتىڭ تۇبىنە قويۋ.

كۇزگى تابيعات. جۇكتەۋ