قىرعىزستاندا وتكەن حالىقارالىق جارىستا الامان بايگەنىڭ كوپ شاقىرىمدىق قاشىقتىعىندا قازاقستاندىق شاباندوز اتىنان قۇلاپ قالدى. سودان كەيىن قىرعىزستاندىق بالا اليحان اسكاربەكوۆ سول اتقا ءمىنىپ، جارىستى جالعاستىرىپ، مارەگە ءۇشىنشى بولىپ جەتتى. بۇل تۋرالى infohub.kz سايتى حابارلايدى.
كۋاگەرلەردىڭ ايتۋىنشا، وقيعا قاشىقتىقتىڭ ورتا تۇسىندا بولعان. شاباندوز جارىستان شىعىپ قالعان سوڭ، اسكاربەكوۆ جۇگىرىپ بارىپ، اتقا سەكىرىپ ءمىنىپ، جارىستى جالعاستىرعان. كەيىن اتتىڭ يەسى – قازاقستان ازاماتى جاس سپورتشىعا 250 مىڭ سوم (شامامەن 1،3 ملن تەڭگە) جۇلدە سوماسىن تابىستاعان.
«ىستىقكول-2026 كۋبوگى» اتتى حالىقارالىق ات جارىسى 21 شىلدەدە ءوتتى. جارىس باعدارلاماسىنا الامان بايگە، توپ بايگە، قۇنان بايگە جانە قىسقا قاشىقتىققا شابۋ كىردى.
جارىسقا قىرعىزستاننىڭ ءتۇرلى ايماقتارىنان شاباندوزدار مەن جۇيرىكتەر، سونداي-اق قازاقستاننان كەلگەن قوناقتار قاتىستى. تۋرنير قورىتىندىسى بويىنشا جەڭىمپازدار مەن جۇلدەگەرلەر باعالى سىيلىقتارمەن ماراپاتتالدى.