قىرعىزستاندا «اراشان» تۇقىمدى ەتتى-مايلى قويلاردى دامىتۋعا ارنالعان فەستيۆالدە ەرەكشە مامىلە جاسالدى: وسى تۇقىمنىڭ قوشقارى 1 ميلليون دوللارعا ساتىلدى. NUR.KZ اگەنتتىگىنىڭ «سپۋتنيك-قىرعىزستانعا» سىلتەمە جاساپ حابارلاۋىنشا، شاراعا بەس ەلدىڭ فەرمەرلەرى قاتىسقان، دەپ جازادى infohub.kz سايتى.
ساتىلىم تۋرالى اقپاراتتى قىرعىزستاننىڭ اۋىل شارۋاشىلىعى مينيسترلىگى ۇسىندى. قولدا بار دەرەكتەرگە سايكەس، قىمبات ءونىم ايگىلى فرانكەل قوشقارىنىڭ ۇرپاعى. 2023 جىلى فرانكەل قازاقستانعا 150 مىڭ دوللارعا ساتىلعان بولاتىن.
«فرانكەل قىرعىزدىڭ „اراشان“ تۇقىمىنىڭ تانىمال وكىلدەرىنىڭ ءبىرى سانالادى. ول تالاس جايلاۋىندا وسىرىلگەن. „اراشان“ تۇقىمى قىرعىزستاندا 2021 جىلى رەسمي تىركەلدى. ول گيسسار جانە قىرعىز قىلشىق ءجۇندى تۇقىمدارىن بۋدانداستىرۋ ارقىلى شىعارىلعان. بۇعان دەيىن اتالعان تۇقىمعا قازاقستان مەن وزبەكستان فەرمەرلەرى قىزىعۋشىلىق تانىتىپ وتىرعانى حابارلانعان»، — دەلىنگەن حابارلامادا.
2026 جىلدىڭ ناۋرىزىندا قىرعىزستاننىڭ اۋىل شارۋاشىلىعى مينيسترلىگىنىڭ باسشىسى «اراشان» تۇقىمدى اسىل تۇقىمدى قويلاردى اۋكسيون نەمەسە بيرجا فورماتىندا ساتۋ ءۇشىن مەملەكەتتىك الاڭ قۇرۋدى ۇسىنعانى اتاپ ءوتىلدى.