قىرعىزستاندا «75ء-تىڭ ءىسى» دەپ اتالىپ كەتكەن قىلمىستىق ءىس بويىنشا سوت ۇكىم شىعاردى. ءىستىڭ باستى فيگۋرانتى — قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ بۇرىنعى ءتوراعاسى كامچىبەك تاشييەۆ، دەپ حابارلايدى infohub.kz.
NUR.KZ سايتى 24.kg-گە سىلتەمە جاساپ حابارلاعانداي، بىشكەك قالالىق سوتى «75ء-تىڭ حاتى» ءىسىن جابىق ەسىك جاعدايىندا قارادى. الايدا بۇعان دەيىن بۇقارالىق اقپارات قۇرالدارىنىڭ وكىلدەرى سوت زالىنا جىبەرىلەتىنى مالىمدەلگەن ەدى.
سوت وتىرىسىنىڭ قورىتىندىسى تۋرالى ادۆوكات لاتىپبەك نۋراليموۆ حابارلادى. ونىڭ ايتۋىنشا، ءىس قىرعىز رەسپۋبليكاسى قىلمىستىق كودەكسىنىڭ 326-بابى «بيلىكتى كۇشپەن باسىپ الۋ» ساناتىنان 195-باپ «سايلاۋ قۇقىقتارىن جۇزەگە اسىرۋعا كەدەرگى كەلتىرۋ» بويىنشا قايتا سارالاندى.
«بارلىق ايىپتالۋشى ءتورت جىلعا باس بوستاندىعىنان ايىرىلدى، وعان قوسا ەكى جىلعا پروباسيالىق قاداعالاۋ تاعايىندالدى»، — دەدى ادۆوكات.
ايتا كەتەيىك، قىرعىز رەسپۋبليكاسى قىلمىستىق كودەكسىنىڭ وسى بابى بويىنشا م ۇلىكتى تاركىلەۋ قاراستىرىلماعان. بۇعان دەيىن اۋداندىق سوتتىڭ ۇكىمىندە م ۇلىكتى تاركىلەۋ تۋرالى تالاپ بولعان.
ەسكە سالايىق، بۇعان دەيىن بىشكەك سوتى ۇقمك بۇرىنعى ءتوراعاسى كامچىبەك تاشيەۆتى «75ء-تىڭ حاتى» ءىسى بويىنشا كىنالى دەپ تانىعان. وعان ءتورت جىل باس بوستاندىعىنان ايىرۋ جازاسى م ۇلىكتى تاركىلەۋمەن قوسا تاعايىندالىپ، ءبىراق ءۇش جىلدىق پروباسيالىق قاداعالاۋ بەلگىلەنىپ، جازانى وتەۋدەن بوساتىلعان. ءدال وسىنداي ۇكىمدەر رەسپۋبليكانىڭ باسقا دا بۇرىنعى جوعارى لاۋازىمدى شەنەۋنىكتەرى مەن ساياساتكەرلەرىنە شىعارىلعان.
كەيىن مەملەكەتتىك ايىپتاۋشى تاراپ پەن قورعاۋشى تاراپ ۇكىمگە بىشكەك قالالىق سوتىندا شاعىمداندى. پروكۋرورلار بارلىق فيگۋرانتقا توعىز جىلدان باس بوستاندىعىنان ايىرۋ جازاسىن تاعايىنداۋدى سۇرادى.
بۇگىن جاڭا شەشىم شىعارىلار الدىندا ۇقمك بۇرىنعى ءتوراعاسىنىڭ ادۆوكاتى كامچىبەك تاشيەۆتىڭ اقتالۋ ۇكىمىنە سەنىمدى ەكەنىن مالىمدەدى.
اعىمداعى جىلدىڭ اقپانىندا كامچىبەك تاشييەۆ قىرعىزستان ۇقمك ءتوراعاسى قىزمەتىنەن بوساتىلعان. ول ءوزىنىڭ قىزمەتتەن كەتەتىنىن كۇتپەگەنىن ايتقان. ال ەل پرەزيدەنتى كامچىبەك تاشييەۆ مەملەكەتتىك قىزمەتكە ەشقاشان قايتا ورالمايتىنىن مالىمدەگەن.
جاقىندا جوگوركۋ كەنەش دەپۋتاتى ەلۆيرا سۋرابالديەۆا سۇحباتىندا قىرعىزستان ۇقمك بۇرىنعى ءتوراعاسى كامچىبەك تاشييەۆ مەملەكەتتىك توڭكەرىس جاساۋ ارەكەتىن ۇيىمداستىرعانى ءۇشىن قىزمەتتەن بوساتىلعانىن ايتقان.
كوپ ۇزاماي قىرعىزستاننىڭ ءۇش بۇرىنعى جوعارى لاۋازىمدى شەنەۋنىگىنە مەملەكەتتىك توڭكەرىس جاساۋ ارەكەتى بويىنشا رەسمي ايىپ تاعىلعانى بەلگىلى بولدى. ولاردىڭ قاتارىندا ۇقمك بۇرىنعى ءتوراعاسى كامچىبەك تاشييەۆ، بۇرىنعى دەپۋتات كۋرمانكۋل زۋلۋشيەۆ جانە جوگوركۋ كەنەشتىڭ بۇرىنعى ءتوراعاسى نۋرلانبەك تۋرگۋنبەك ۋۋلۋ بار.
ءسوز اۋىر ساناتتاعى قىلمىستار تۋرالى بولىپ وتىر. ولار جاپپاي تارتىپسىزدىكتەردى ۇيىمداستىرۋمەن جانە تەرگەۋ مەملەكەتتىك توڭكەرىس جاساۋ ارەكەتى دەپ قاراستىراتىن ارەكەتتەرمەن بايلانىستى. بۇقارالىق اقپارات قۇرالدارىندا بۇل پروسەسس «75ء-تىڭ ءىسى» دەپ اتالدى. ول وسىلاي اتالدى، سەبەبى تەرگەۋ دەرەكتەرى بويىنشا اشىق حاتقا 75 ادام قول قويعان. ۇندەۋدە قىرعىزستاندا مەرزىمىنەن بۇرىن پرەزيدەنتتىك سايلاۋ وتكىزۋگە شاقىرۋلار بولعان.