Guoyou Materials Group كومپانياسى كاسپي تەڭىزىنىڭ قازاقستاندىق جاعالاۋىنداعى قۇرىق پورتىندا كوپفۋنكسيونالدى تەرمينال سالۋعا $1 ملرد ينۆەستيسيا سالادى، دەپ حابارلايدى infohub.kz.
قازاقستان پرەزيدەنتى قاسىم-جومارت توقاەۆتىڭ قىتايلىق بيزنەس وكىلدەرىمەن كەزدەسۋىندە كولىك مينيسترلىگى، ماڭعىستاۋ وبلىسى اكىمدىگى جانە Guoyou Materials Industry Group كومپانياسى اراسىندا قۇرىق پورتىنداعى كوپفۋنكسيونالدى تەرمينالدىڭ ءبىرىنشى كەزەگىن سالۋعا ينۆەستيسيالىق كەلىسىمگە قول قويىلدى.
Guoyou كومپانياسىنىڭ باسشىسىمەن كەزدەسۋ بارىسىندا توقايەۆ جاڭا پورت بىرىكتىرىلگەن تەڭىز جانە تەمىرجول لوگيستيكاسىن دامىتۋعا، ءوڭىردىڭ كولىك ينفراقۇرىلىمىنىڭ وتكىزۋ قابىلەتىن ارتتىرۋعا، سونداي-اق قازاقستاننىڭ ەكسپورتتىق جانە ترانزيتتىك مۇمكىندىكتەرىن كەڭەيتۋگە مۇمكىندىك بەرەتىنىن اتاپ ءوتتى.
كورپوراسيا پورتتىڭ وتكىزۋ قابىلەتىن 15 ملن تونناعا دەيىن جەتكىزۋدى جوسپارلاپ وتىر. تەرمينال قۇرىلىسىنا سالىناتىن ينۆەستيسيا $1 ملرد قۇرايدى.
«قازاقستان — قىتايدىڭ ەۋروپاعا شىعاتىن ماڭىزدى ترانزيتتىك ءدالىزى. كاسپي تەڭىزىندەگى پورتتار ەۋروپاعا بارار جولداعى جاڭا باعىت ءارى جاڭا ءوسۋ نۇكتەسى سانالادى. پرەزيدەنت توقايەۆ كاسپي باعىتىنىڭ ستراتەگيالىق ماڭىزدىلىعىن بىرنەشە رەت اتاپ ءوتىپ، بۇل ماسەلەنى قازاقستاندا مەملەكەتتىك دەڭگەيگە كوتەردى»، – دەدى Guoyou Materials Group ديرەكتورلار كەڭەسىنىڭ ءتوراعاسى يۋي بويان.
كومپانيا وكىلى جوبانى جۇزەگە اسىرۋ 800 جۇمىس ورنىن اشۋعا مۇمكىندىك بەرەتىنىن اتاپ ءوتتى.
بۇعان دەيىن قازاقستان پرەزيدەنتى قاسىم-جومارت توقايەۆ شانحايدا قحر ءتوراعاسى سي سزينپينمەن كەلىسسوز جۇرگىزگەن بولاتىن.