قىزىلوردا وبلىسىندا باعالى مەتالداردى زاڭسىز وندىرۋمەن اينالىسقان كۇدىكتى قىلمىستىق توپتىڭ ارەكەتى توقتاتىلدى. وپەراسيانى وبلىستىق ءافم دەپارتامەنتىنىڭ قىزمەتكەرلەرى پروكۋراتۋرانىڭ ۇيلەستىرۋىمەن جانە ۇقك دەپارتامەنتىمەن بىرلەسىپ جۇرگىزدى، دەپ حابارلايدى infohub.kz سايتى.
تەرگەۋ دەرەكتەرى بويىنشا، جامانكول شاتقالىندا كۇردەلى ونەركاسىپتىك وڭدەۋدى قاجەت ەتپەيتىن سامورودوك التىن وندىرىلگەن. قاتىسۋشىلار اراسىندا رولدەر ناقتى بولىنگەن: بىرەۋلەرى كەنشىلەردى تارتىپ، ءوندىرىستى ۇيىمداستىرسا، ەندى بىرەۋلەرى تاسىمالداۋ مەن وتكىزۋگە جاۋاپتى بولعان، ال ۇشىنشىلەرى قاۋىپسىزدىكتى قامتاماسىز ەتكەن.
ۆەدومستۆونىڭ ايتۋىنشا، زاڭسىز ارەكەتتەردى جاسىرۋ ءۇشىن اينالاعا كۇزەتشىلەر قويىلىپ، موتوسيكلشىلەر ىرگەلەس اۋماقتى ارالاپ، بوگدە ادامدار مەن مەملەكەتتىك ورگان قىزمەتكەرلەرىنىڭ كەلگەنىن ەسكەرتىپ وتىرعان.
التىن ودان ءارى وتكىزۋ ءۇشىن الماتىعا جەتكىزىلىپ، تۇسكەن اقشا سحەماعا قاتىسۋشىلار اراسىندا بولىنگەن.
ءتىنتۋ كەزىندە 500 گرامنان استام التىن قۇرامدى شيكىزات، 2 بىرلىك ارنايى تەحنيكا، 12 مەتالل ىزدەگىش، سونداي-اق 6 اۆتوكولىك تاركىلەندى. سونىمەن قاتار، 2 پنەۆماتيكالىق تاپانشا مەن تەگىس ۇڭعىلى مىلتىق تابىلدى.
قازىرگى ۋاقىتتا 13 ادام قاماۋعا الىندى. تەرگەۋ جالعاسۋدا.