قىزىلوردادا پوليسەيلەر اگرەسسيۆتى ەر ادامدى ۇستاۋ ءۇشىن ستاندارتتى ەمەس شارالاردى قولدانۋعا ءماجبۇر بولدى: ونىڭ اياقتارىن سكوچپەن بايلادى. وقيعا ماۋسىم ايىندا بولعان، الايدا ۆيدەو تەك ءقازىر عانا جەلىگە تاراپ، كەڭ رەزونانس تۋدىردى. ەگجەي-تەگجەيىن infohub.kz سايتى حابارلايدى.
قىزىلوردا وبلىستىق پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، وقيعا 17 ماۋسىمدا بولعان. تۇنگى ساعات 12-لەر شاماسىندا قالالىق پوليسيا باسقارماسىنىڭ «102» ارناسىنا وسەربايەۆ كوشەسىندەگى كوپقاباتتى ءۇيدىڭ تۇرعىندارىنان حابارلاما تۇسكەن. تۇرعىندار تىنىشتىقتى بۇزىپ، ءوزىن ورىنسىز ۇستاعان ەر ادامنىڭ اگرەسسيۆتى مىنەز-قۇلقىنا شاعىمدانعان.
وقيعا ورنىنا كەلگەن پاترۋلدىك پوليسيا قىزمەتكەرلەرى ءوزىن ورىنسىز ۇستاۋدى جالعاستىرىپ، ءتارتىپ ساقشىلارىنىڭ زاڭدى تالاپتارىنا باعىنباعان بۇزاقىنى انىقتاعان. قورشاعان ورتانىڭ قاۋىپسىزدىگىن قامتاماسىز ەتۋ ءۇشىن پوليسەيلەر قۇقىق بۇزۋشىنىڭ ءقاۋىپتى جانە اگرەسسيۆتى ارەكەتتەرىن توقتاتۋ شارالارىن قولدانۋعا ءماجبۇر بولعان. اتاپ ايتقاندا، ولار ونىڭ اياقتارىن سكوچپەن بايلاعان.
تەكسەرۋ بارىسىندا ەر ادامنىڭ بۇرىن دا ەسىرتكى زاتتارىن تۇتىنعانى ءۇشىن بىرنەشە رەت جاۋاپكەرشىلىككە تارتىلعانى انىقتالعان. وقيعا ورنىنا جەدەل جاردەم بريگاداسى شاقىرىلعان. بۇزاقىعا قاتىستى زاڭنامادا كوزدەلگەن شارالار قولدانىلىپ، مۇنداي ارەكەتتەردىڭ قايتالانباۋى تۋرالى رەسمي ەسكەرتۋ جاسالعان.
پوليسيا ازاماتتارعا ەسكە سالادى: ەگەر ءسىز ادامنىڭ ورىنسىز نەمەسە ءقاۋىپتى مىنەز-قۇلقىنىڭ كۋاسى بولساڭىز، بۇل تۋرالى دەرەۋ جەدەل قىزمەتتەرگە حابارلاۋ قاجەت.