پەتروپاۆلدىڭ « قىزىلجارى» ءوز الاڭىنداعى «قاراساي» ستاديونىندا قازاقستان پرەمەر-ليگاسىنىڭ 18-تۋرى اياسىندا قوستانايدىڭ «توبىلىمەن» تەڭ وينادى، دەپ حابارلايدى infohub.kz سايتى.
كەزدەسۋ 1:1 ەسەبىمەن اياقتالدى. ەسەپتى 31-مينۋتتا قازاقستان قۇراماسى مەن «توبىلدىڭ» شابۋىلشىسى الەكساندر زۋيەۆ اشتى، وعان داۋرەن جۇمات اسسيستەنتتىك جاسادى. ودان ون مينۋت وتكەن سوڭ الاڭ يەلەرىنىڭ البانيالىق شابۋىلشىسى ليريدون لاتيفي ەسەپتى تەڭەستىردى.
ەكىنشى تايمدا گول بولمادى، الايدا 88-مينۋتتا « قىزىلجار» از قالدى: سەرب جارتىلاي قورعاۋشىسى نەدەلكو پيسچەۆيچ قىزىل قاعاز الدى.
18 تۋردان كەيىن «توبىل» 19 ۇپايمەن تۋرنير كەستەسىندە توعىزىنشى ورىندا، ال « قىزىلجار» 16 ۇپايمەن 15ء-شى ساتىدا تۇر.