قازاقستاندا جىل باسىنان بەرى العاش رەت شىلدەنىڭ ءۇش اپتاسىنىڭ قورىتىندىسى بويىنشا الەۋمەتتىك ماڭىزى بار ازىق-ت ۇلىك تاۋارلارى (ءامات) باعاسىنىڭ ورتاشا يندەكسى 0،1%-عا تومەندەگەنى بايقالدى. دەفلياسيالىق ءۇردىستى بەكىتۋ ءۇشىن ۇكىمەت وندىرۋشىلەرگە تاريفتىك جانە لوگيستيكالىق سۋبسيديالاۋ تەتىكتەرىن ىسكە قوسادى. بۇل تۋرالى infohub.kz سايتى حابارلايدى.
ەلدەگى جىلدىق ينفلياسيا ماۋسىم ايىنىڭ قورىتىندىسى بويىنشا 10،3%-عا دەيىن تومەندەدى (مامىردا بۇل كورسەتكىش 10،4% بولعان). سونىمەن قاتار، 11 وڭىردە ينفلياسيا دەڭگەيى رەسپۋبليكالىق ورتاشا كورسەتكىشتەن جوعارى. ەڭ ناشار كورسەتكىشتەر جەتىسۋ جانە ۇلىتاۋ وبلىستارى، سونداي-اق سولتۇستىك قازاقستان جانە اقمولا وبلىستارىندا تىركەلدى.
ازىق-ت ۇلىك نارىعىندا اركەلكى ديناميكا بايقالادى. ماۋسىمدىق فاكتورعا بايلانىستى كوكونىس باعاسىنىڭ كۇرت تومەندەۋى تىركەلدى: قيار 18،2%-عا، قىزاناق 15،1%-عا، ءسابىز 5،2%-عا ارزاندادى. جۇمىرتقا باعاسى 2،4%-عا تومەندەدى. سونىمەن بىرگە ەت ونىمدەرىنىڭ قىمباتتاۋى جالعاسۋدا: قوي ەتى ەكى پايىزعا، جىلقى ەتى 1،3%-عا، تارتىلعان ەت 0،6%-عا قىمباتتادى.
نەگىزگى ازىق-ت ۇلىك باعاسىن تۇراقتاندىرۋ ماقساتىندا مينيسترلەر كابينەتى بيزنەسكە ارنالعان ەكونوميكالىق ىنتالاندىرۋ پاكەتىن بەكىتتى. «قازاقستان تەمىر جولى» ۇك» اق ەلىشىلىك ءامات تەمىرجول تاسىمالىنا 70% جەڭىلدىك ۇسىنادى. نان ونەركاسىبىنىڭ 40 كاسىپورنى ءۇشىن شىعىنداردى ازايتۋ ماقساتىندا ەلەكتر ەنەرگياسىنا جەڭىلدىكتى تاريف ەنگىزىلەدى.
اعىمداعى جىلدىڭ سوڭىنا دەيىن ىشكى نارىقتى قامتاماسىز ەتۋ ءۇشىن وسىمدىك مايلارىن رافيناسيالايتىن ءۇش جاڭا زاۋىت پايدالانۋعا بەرىلەدى. مەملەكەتتىك قولداۋ الۋدىڭ ورنىنا جەرگىلىكتى اتقارۋشى ورگاندار بيزنەستىڭ باعا وسىمىنە جول بەرمەۋ جونىندەگى قارسى مىندەتتەمەلەرىن ورىنداۋىن باقىلاۋعا مىندەتتى.
مال شارۋاشىلىعى ونىمدەرىنىڭ قىمباتتاۋى اياسىندا ۆيسە-پرەمەر سەرىك جۇمانعارين ەت نارىعىنا ەگجەي-تەگجەيلى اۋديت جۇرگىزۋدى، ءوندىرىس كولەمدەرىن، ىشكى تۇتىنۋ مەن ەكسپورتتى سالىستىرۋدى تاپسىردى.
ءتيىستى ۆەدومستۆولارعا ءىرى يمپورتتاۋشىلار مەن كوتەرمە ساتۋشىلاردى تارتا وتىرىپ، باعانىڭ ەلەۋلى ءوسۋىنىڭ ءاربىر فاكتىسى بويىنشا جەتكىزۋ تىزبەگىن تالداۋ تاپسىرىلدى. وسىعان ۇقساس جۇيەلىك باقىلاۋ ازىق-ت ۇلىك ەمەس تاۋارلار، اقىلى قىزمەتتەر نارىقتارىندا جانە جوعارى ءبىلىم سالاسىندا دا ورناتىلادى.
ەسكە سالايىق، ساۋدا مينيسترلىگى ءامات تىزبەسىن 19 تاۋاردان 31 تاۋارعا دەيىن ۇلعايتتى. جاڭارتىلعان تىزبەگە مىنالار كىردى: ءبىرىنشى سۇرىپتى بيداي ۇنى، ءبىرىنشى سۇرىپتى ۇننان جاسالعان قالىپتى بيداي نانى، روجكي، قاراقۇمىق جارماسى، دومالاق ءداندى جىلتىراتىلعان كۇرىش، كارتوپ، ءسابىز، پياز، اق قىرىققابات، قىزاناق (چەرري جانە ءجۇزىم سورتتارىنان باسقا)، قيار (كورنيشونداردان باسقا)، الما، قۇمشەكەر، كۇنباعىس مايى، سۇيەكتى جانە سۇيەكسىز سيىر ەتى، تارتىلعان ەت، قوي ەتى، جىلقى ەتى، بالعىن، سالقىنداتىلعان جانە مۇزداتىلعان بالىق (تىران، موڭكە، كوكسەركە، تۇقى جانە سازان)، تاۋىقتىڭ جامباس ەتى، سيراعى جانە تۇتاس اياقتارى، تاۋىقتىڭ تۇتاس ۇشاسى، مايلىلىعى 2،2%-دان 6%-عا دەيىنگى ءسۇت، مايلىلىعى 2–3% ايران، قايماق، مايلىلىعى 5–9% سۇزبە، مايلىلىعى 40–50% قاتتى جانە جارتىلاي قاتتى ىرىمشىك، مايلىلىعى 72،5%-دان 80%-عا دەيىنگى سارى مامىر، ءبىرىنشى ساناتتاعى تاۋىق جۇمىرتقاسى، دامدەۋىشتەرى جوق قارا شاي (پاكەتتەلگەننەن باسقا)، سونداي-اق اس تۇزى («ەكسترا» سورتىنان باسقا).