فۋتبولدان الەم چەمپيوناتىنىڭ جارتىلاي فينالىنان كەيىن يسپانيا قۇراماسىنىڭ شابۋىلشىسى لامين يامالدىڭ بارسەلونا ماڭىنداعى ەليتالى ەسپلۋگەس-دە-لوبرەگات قالاشىعىنداعى ۇيىنە توناۋ ارەكەتى جاسالدى، — دەپ حابارلايدى infohub.kz سايتى.
جەكە كۇزەت قىزمەتكەرى كۇدىكتىلەردى دەر كەزىندە بايقاپ، توناۋدى بولدىرمادى.
دەرەككوزدەردىڭ مالىمەتىنشە، كەزەكشى كۇزەتشى بەينەباقىلاۋ كامەرالارىنان قورشاۋدان اسۋعا تىرىسقان ەكى ەر ادامدى بايقاعان.
وزدەرىنىڭ بايقالعانىن تۇسىنگەن الەۋەتتى ۇرىلار پوليسيا كەلگەنشە قاشىپ كەتىپ، ۇيگە كىرمەدى.
وقيعا ورنىنا كاتالونيا پوليسياسىنىڭ پاترۋلدەرى كەلدى. تەرگەۋدى قىلمىستىق ىستەرمەن كۇرەس ءبولىمى جۇرگىزىپ جاتىر.
قۇقىق قورعاۋ ورگاندارى سول ءتۇنى باسقا ۇيلەردە دە وسىنداي بۇزۋ ارەكەتتەرىن تىركەگەن. يامالدىڭ ءۇيى قىلمىسكەرلەردىڭ ناقتى نىساناسى بولدى ما، الدە سەريالى ۇرىلاردىڭ جولىندا كەزدەسىپ قالدى ما، وسى انىقتالىپ جاتىر.
ەسكە سالا كەتەيىك، يسپانيا قۇراماسى فرانسيانى جەڭىپ، الەم چەمپيوناتىنىڭ فينالىنا شىقتى.