كونديسيونەرلەردەگى سۇزگىلەردى ۋاقىتىندا تازالاماي نەمەسە اۋىستىرماي قويۋ تىنىس الۋ مۇشەلەرىن زاقىمدايتىن ءقاۋىپتى باكتەريالىق ينفەكسيا – لەگيونەللەزدى جۇقتىرۋعا اكەپ سوعۋى مۇمكىن. بۇل تۋرالى infohub.kz سايتى حابارلايدى.
اۋرۋعا ەرەكشە كوڭىل بولۋگە نيۋ-يوركتەگى جوعارعى يست-سايد اۋدانىندا بولعان «لەگيونەرلەر اۋرۋىنىڭ» ىندەتى سەبەپ بولدى. وندا 72 جۇقتىرۋ جاعدايى تىركەلىپ، 50-دەن استام ادام اۋرۋحاناعا جات قىزىلدى، ەكى ناۋقاس قايتىس بولدى.
مامانداردىڭ ايتۋىنشا، جۇقتىرۋ Legionella pneumophila باكتەريالارى بار سۋدىڭ ۇساق تامشىلارىن جۇتۋ ارقىلى جۇرەدى. ينفەكسيا كوزدەرى ناشار كۇتىلگەن ورتالىقتاندىرىلعان كونديسيونەر جۇيەلەرى، ىستىق سۋمەن جابدىقتاۋ جۇيەلەرى، باسسەيندەر، دجاكۋزي، سۋبۇرقاقتار جانە اكۆاپاركتەر بولۋى مۇمكىن.
لەگيونەللەز قوزدىرعىشى تابيعي سۋ قويمالارى مەن توپىراقتا كەزدەسەدى، الايدا ەڭ ۇلكەن ءقاۋىپ ول جاساندى سۋ جۇيەلەرىندە، قولايلى جاعدايدا باكتەريالار بەلسەندى كوبەيەتىن جەرلەردە تۋعىزادى.
ساراپشىلار اتاپ وتكەندەي، كليماتتىق جابدىقتاعى سۇزگىلەردى ۇنەمى تازالاۋ، دەزينفەكسيالاۋ جانە ۋاقىتىندا اۋىستىرۋ ينفەكسيانىڭ تارالۋ ءقاۋپىن ايتارلىقتاي تومەندەتەدى. سونىمەن قاتار لەگيونەللەز ادامنان ادامعا جۇقپايدى، سوندىقتان نەگىزگى كۇش الدىن الۋ جانە ينجەنەرلىك جۇيەلەرگە ءتيىستى تەحنيكالىق قىزمەت كورسەتۋگە باعىتتالۋى كەرەك.