لاتۆيا اۋماعىندا سولتۇستىك اتلانتيكالىق اليانستىڭ يادرولىق قارۋىن ورنالاستىرۋعا دايىن ەكەنىن ءبىلدىردى. بۇل ءۇشىن ناتو ءتيىستى ۇجىمدىق شەشىم قابىلداپ، قاجەتتىلىك تۋىنداۋى كەرەك. بۇل تۋرالى ەل پرەزيدەنتى ەدگار رينكەۆيچ مالىمدەدى، دەپ حابارلايدى infohub.kz سايتى.
«ەگەر قاجەتتىلىك تۋىنداپ، ناتو ءتيىستى ۇجىمدىق شەشىم قابىلداسا، يادرولىق قارۋ لاتۆيادا ورنالاستىرىلادى»، — دەپ كەلتىرەدى ونىڭ ءسوزىن جەرگىلىكتى Leta باسىلىمى.
رينكەۆيچ لاتۆيا كونستيتۋسياسىندا يادرولىق قارۋدى ورنالاستىرۋعا تىيىم سالىنباعانىن اتاپ ءوتتى. «ءبىزدىڭ زاڭدارىمىزدا لاتۆيادا يادرولىق قارۋدى ورنالاستىرۋعا زاڭدى كەدەرگى جوق»، — دەدى ول.
پرەزيدەنت 2003 جىلى لاتۆيا ناتو-عا كىرۋگە دايىندالعان كەزدە اليانسقا مۇشە ءار مەملەكەت ناتو-نىڭ تولىق ۇجىمدىق قاۋىپسىزدىك مەحانيزمىن، سونىڭ ىشىندە يادرولىق تەجەۋ جۇيەسىنە قاتىسۋدى جۇزەگە اسىرۋعا شەكتەۋ جوقتىعىن راستاعانىن ەسكە سالدى.
سونىمەن قاتار رينكەۆيچ قازىرگى تاڭدا لاتۆيادا يادرولىق قارۋدى ورنالاستىرۋ تۋرالى ناقتى تالقىلاۋ جۇرگىزىلمەيتىنىن ايتتى.
بۇگىن سونداي-اق رەسەيدىڭ يرلاندياداعى ەلشىلىگى رەسەي فەدەراسياسى ناتو ەلدەرىنە قاتىستى يادرولىق قارۋدى قانداي جاعدايدا قولدانۋعا دايىن ەكەنىن اشقانى حابارلاندى. ديپلوماتيالىق وكىلدىك سولتۇستىك اتلانتيكالىق اليانس كالينينگراد پەن كالينينگراد وبلىسىنا اۋە جانە تەڭىز بلوكاداسىن دايىنداپ جاتقانى تۋرالى اقپاراتقا سىلتەمە جاسادى.
«ەشقانداي اداسۋشىلىق بولماۋى كەرەك: ەگەر ناتو ەلدەرى كالينينگراد وبلىسىن ەلدىڭ قالعان بولىگىنەن وقشاۋلاۋعا تىرىسسا، رەسەي ءوز اۋماعىن قورعاۋ ءۇشىن يادرولىق قارۋدى قوسا العاندا، بۇكىل ارسەنالىن قولدانۋعا دايىن بولادى»، — دەدى ەلشىلىكتە.
كەيىنىرەك ناتو باس حاتشىسى مارك ريۋتتە اليانس رەسەيدەن كالينينگرادتى وقشاۋلاۋعا ارەكەت جاسالعان جاعدايدا يادرولىق قارۋ قولدانۋ تۋرالى ەسكەرتۋ العانىن راستادى.
ەسكە سالايىق، بۇعان دەيىن رەسەي فەدەراسياسى سىرتقى ىستەر مينيسترلىگىنىڭ باسشىسى سەرگەي لاۆروۆ ماسكەۋ ەۋروپاعا شابۋىل جاساۋدى جوسپارلامايتىنىن مالىمدەگەن. سونىمەن قاتار ول ەۋروپالىق ەلدەرگە رەسەيگە شابۋىل جاسالعان جاعدايدا «قىسقا سوعىسپەن» قورقىتتى. بۇعان دەيىن ناتو رەسەيمەن سوعىس جاعدايىنا جوسپار دايىنداعانى بەلگىلى بولدى.