رەسەي فەدەراسياسىنىڭ سىرتقى ىستەر ءمينيسترى سەرگەي لاۆروۆ ەۋروپا ەلدەرىنە رەسەي اۋماعىنا شابۋىل جاساۋدىڭ قانداي سالدارعا اكەلەتىنىن ەسكەرتتى، دەپ حابارلايدى infohub.kz سايتى.
NUR.KZ اگەنتتىگىنىڭ ريا نوۆوستيگە سىلتەمە جاساپ حابارلاۋىنشا، رەسەي سىرتقى ساياسي ۆەدومستۆوسىنىڭ باسشىسى ەۋروپامەن ىقتيمال سوعىس تۋرالى حالىقارالىق جاستار فەستيۆالىندە ايتقان.
«ءبىز ەۋروپاعا شابۋىل جاساۋعا نيەتتەنبەيتىنىمىزدى بىرنەشە رەت ايتقانبىز. پرەزيدەنت (رف – رەد. ەسكەرتپەسى) جاقىندا بۇل تاقىرىپقا تاعى دا ەگجەي-تەگجەيلى توقتالدى»، – دەپ ەسكە سالدى مينيستر.
سونىمەن قاتار ول ەۋروپانىڭ رەسەيگە شابۋىل جاساۋى قانداي سالدارعا اكەلەتىنىن ەسكەرتتى. «ايتا كەتەيىن، ءبىزدىڭ بۇنىمەن اينالىسۋعا ەشقانداي مۇددەمىز جوق، ءبىراق رەسەيگە قارسى سوعىسقا دايىندىق تۋرالى كۇن سايىن ايتىپ جۇرگەن ەۋروپا رەسەي فەدەراسياسىنا شابۋىل جاساسا، بۇل مۇلدە باسقا سوعىس بولادى جانە ول وتە قىسقا بولادى»، – دەپ قوستى لاۆروۆ.
ەسكە سالايىق، ماۋسىمدا ناتو باس حاتشىسى مارك ريۋتتە رەسەي اليانس ءۇشىن ۇزاق مەرزىمدى ءقاۋىپ بولىپ قالا بەرەتىنىن مالىمدەگەن. تامىزدا اليانستىڭ رەسەيمەن سوعىس جاعدايىنا ارنالعان جوسپار دايىنداعانى بەلگىلى بولدى.
ال بۇگىن ب ا ق گەرمانيا بيلىگى ەلدىڭ دەنساۋلىق ساقتاۋ جۇيەلەرىنىڭ سوعىسقا جانە جارالىلاردىڭ جاپپاي اعىنىنا دايىندىق دەڭگەيىن تەكسەرۋدى باستاعانىن حابارلادى.