الەمگە ايگىلى ءانشى ءارى اكتريسا لەا سالونگا گولليۆۋدتەگى داڭق اللەياسىندا «ءتىرى ورىنداۋ» ساناتىندا جۇلدىزى بار تۇڭعىش فيليپپيندىك اتانادى، دەپ حابارلايدى infohub.kz سايتى.
2855ء-شى جۇلدىزدىڭ سالتاناتتى تۇردە قالانۋ ءراسىمى لوس-اندجەلەستەگى گولليۆۋد بۋلۆارىنداعى ايگىلى پانتادجەس تەاترىنىڭ الدىندا وتەدى. ءىس-شارانىڭ قوناق سپيكەرى رەتىندە ديسنەيدىڭ «مۋلان» مۋلتفيلمىندە مۋلاندى دىبىستاعان اكتريسا مين-نا ۆەن ءسوز سويلەيدى، ال سالونگا كەيىپكەردىڭ ۆوكالدىق پارتيالارىن ورىنداعان ەدى.
لەا سالونگا «ميسس سايگون» ميۋزيكلىندەگى كيم ءرولىنىڭ ارقاسىندا حالىقارالىق اتاققا يە بولدى جانە وسى ءرولى ءۇشىن بەدەلدى «توني» سىيلىعىن الدى. ول سونداي-اق برودۆەيدەگى «وتۆەرجەننىە» قويىلىمىندا ەپونينا مەن فانتينانى ويناعان تۇڭعىش ازيالىق اكتريسا رەتىندە تاريحقا ەندى. تەاترداعى تابىستى مانسابىنان بولەك، ءانشى «الادديندەگى» حانشايىم جاسمين مەن «مۋلان» مۋلتفيلمىندەگى فا مۋلانعا داۋىس بەرىپ، «ديسنەي لەگەنداسى» اتاعىن الدى.
گولليۆۋد ساۋدا پالاتاسىنىڭ بۇل ماراپاتى ءارتىس كارەراسىنداعى 45 جىلدىق ماڭىزدى كەزەڭ بولادى. گولليۆۋد بۋلۆارىنداعى سالتاناتتان كەيىن ءانشى بەۆەرلي-حيللزدەگى مانيلا حالىقارالىق كينوفەستيۆالىندە ارنايى سىيلىققا يە بولادى.