ءار ەلدەن كەلگەن ەكى اۋەسقوي دات كونسترۋكتورىنىڭ ەڭ ۇلكەن جيناقتارىنىڭ ءبىرى — الىپ Lego الەم كارتاسىن ەڭ جىلدام قۇراستىرۋ بويىنشا جاڭا الەمدىك رەكورد ورناتۋ ءۇشىن كۇش بىرىكتىردى، دەپ حابارلايدى infohub.kz سايتى.
اقش-تان سەۆي سۆيفت پەن سينگاپۋردان افينا لەونگ بىرلەسىپ Lego World Map جيناعىن قۇراستىرۋعا كىرىستى. بۇل برەند جەلىسىندەگى ەڭ كۇردەلى جانە ۇساق بولشەكتەردەن تۇراتىن كونسترۋكتورلاردىڭ ءبىرى سانالادى. موزايكا 11 695 بولشەكتەن تۇرادى. سەرىكتەستەر الەم كارتاسىن نەبارى بەس ساعاتتا تولىق قۇراستىرىپ، بۇرىنعى جەتىستىكتەردى جاڭارتتى.
تابىستىڭ باستى قۇپياسى — ناقتى جوسپارلانعان ستراتەگيا مەن كوماندالىق جۇمىس. دوستار جاۋاپكەرشىلىك ايماقتارىن، ۇساق بولشەكتەردى دايىنداۋدى جانە جەكە بلوكتاردى قۇراستىرۋدى الدىن الا ءبولىپ الدى. بۇل ولارعا بىتىراڭقىلىققا جول بەرمەي، بۇكىل پروسەسس بارىسىندا جوعارى قارقىندى ۇستاۋعا مۇمكىندىك بەردى.
گيننەسس رەكوردتار كىتابىنىڭ وكىلدەرى جەتىستىكتى رەسمي تۇردە تىركەپ، دۋەتكە ەستەلىك سەرتيفيكاتتار تابىس ەتتى. الەم كارتاسى بار Lego جيناعى وندىرىستەن الىنىپ قويىلعان، بۇل رەكوردتى كونسترۋكتور جانكۇيەرلەرى قاۋىمداستىعى ءۇشىن ودان ءارى بىرەگەي جانە ماڭىزدى ەتە ءتۇستى.