16 شىلدەدە كەڭەس جانە رەسەيلىك ءانشى، كومپوزيتور لەونيد اگۋتين 58 جاسقا تولدى. جۇلدىزدى ارىپتەستەرى مەن جانكۇيەرلەرى ونى تۋعان كۇنىمەن جىلى قۇتتىقتادى، دەپ حابارلايدى infohub.kz سايتى.
كومپوزيتور ءارى اقىن يگور نيكولايەۆ Instagram-دا تۋعان كۇن يەسىمەن بىرگە تۇسكەن بىرنەشە فوتوسۋرەتىن جاريالاپ: «لەنەچكا، دوسىم، مىنە، سەن تاعى دا مەنەن 8 جاس كىشىسىڭ، ال كەشە 9 جاس كىشى ەدىڭ. مەن سەنىڭ ازىلدەرىڭدى، مۋزىكالىق شەبەرلىگىڭدى، ولەڭ مەن اۋەن جازۋداعى ەرەكشە تالانتىڭدى، ادالدىعىڭدى جاقسى كورەمىن. بۇكىل وتباسىم اتىنان راحمەت، ءبىزدى سوچيگە شاقىرعانىڭ، مەنىڭ شىعارماشىلىق كەشىمدى ۇيىمداستىرىپ، ءوزىڭ دە قاتىسقانىڭ ءۇشىن! ءارى قاراي دا ءومىر ءسۇرىپ، شىعارماشىلىقپەن اينالىسايىق! تۋعان كۇنىڭمەن!» دەپ جازدى.
ءانشى ۆلاديمير پرەسنياكوۆ تا دوسى ءارى ارىپتەسىن قۇتتىقتادى: «لەنيا! سۇيىكتى دوسىم! سەنى تۋعان كۇنىڭمەن قۇتتىقتايمىن! مىنە، ءومىرىمىزدىڭ جارتىسى بىرگە ءوتتى. مەن سەنى مۋزىكانت رەتىندە، ادام رەتىندە، دوس ءارى باۋىر رەتىندە ماقتان ەتەمىن. باقىتتى بول، ساۋ بول جانە مۋزىكاڭدى ادامدارعا سىيلا. ول ەمدەيدى جانە شابىتتاندىرادى! سەنى جاقسى كورەمىن. ادەتتەگىدەي، ۆوروبەۆودا كەزدەسەمىز».
الەۋمەتتىك جەلى قولدانۋشىلارى قۇتتىقتاۋلارعا قوسىلىپ، تۋعان كۇن يەسىنە شىعارماشىلىق تابىس تىلەدى.