الەۋمەتتىك جۇمىس ماماندىعى - زامان تالابى

جاستاردىڭ ادامگەرشىلىك - رۋحاني قۇندىلىقتارىن دامىتۋ، ولاردى پاتريوتتىق تاربيەگە، ۇلتتىق سانا سەزىمدى وياتۋعا باۋلۋ، ءبىلىم الۋ جانە قوعامدىق جۇمىستارعا بەلسەنە قاتىسۋ بىلىكتىلىگىن ارتتىرۋ - بۇگىنگى قوعامنىڭ باستى مىندەتتەرىنىڭ ءبىرى بولىپ وتىر. قوعامنىڭ نەگىزگى تىرەگى - ازاتتىق رۋحى مەن بابالار ونەگەسىن بويىنا سىڭىرگەن، بىلىمگە دەگەن تالپىنىسى جوعارى، الدىنا بيىك ماقساتتار قويا بىلەتىن جالىندى جاستار. ال جاستاردىڭ نەگىزگى بولىگىن ستۋدەنتتەر قۇرايتىنى بارىمىزگە بەلگىلى.

ستۋدەنتتەر قالاسىنا اينالعان الماتى قالامىزدا ءال - فارابي اتىنداعى قازاق ۇلتتىق ۋنيۆەرسيتەتى، فيلوسوفيا جانە ساياساتتانۋ فاكۋلتەتىندەگى، الەۋمەتتانۋ جانە الەۋمەتتىك جۇمىس كافەدراسىندا، الەۋمەتتىك جۇمىس ماماندىعى - بولاشاق كاسىبي مامان بولاتىن ستۋدەنتتىڭ وي - ءورىسىن، ادامگەرشىلىگىن، سانالى سەزىمىن دامىتىپ، العىر تۇلعانى قالىپتاستىراتىن ماماندىقتاردىڭ ءبىرى.

بۇل ماماندىق بويىنشا ۋنيۆەرسيتەت قابىرعاسىندا 20 جىل بويى بىلىكتى ماماندار دايىندايدى. كافەدرا ۇجىمىندا ەلىمىزگە بەلگىلى پروفەسسور عالىمدار بيەكەنوۆ ك. ۋ.، ابديرايىموۆا گ. س.، جانازاروۆا ز. ج.، سادىروۆا م. س.، ابديكەروۆا گ. و.، كىلىشباەۆا ب. ن.، سەكىلدى ت. ب. ءوز مامانىنىڭ شەبەرلەرى قىزمەت اتقارىپ، ستۋدەنت جاستارعا ءوز تاجىريبەلەرىمەن بولىسەدى.

الەۋمەتتىك جۇمىس – بۇل ماماندىق الەمدىك تاجىريبەدە پرەستيجدى ون ماماندىقتىڭ قاتارىنا كىرەدى. جىل وتكەن سايىن وزىنە تەرەڭ نازار اۋدارتادى. ونىڭ نەگىزگى ماقساتى – ءومىردىڭ قيىن جاعدايلارىنا ۇشىراعان ادامدارعا كومەك كورسەتۋ. وسى ماماندىقتاردى يگەرگەننەن كەيىن ءسىز ءبىلىمىڭىزدى تومەندەگىدەي ىسكە اسىرا الاسىز: - مەملەكەتتىك قىزمەتتە (ق ر پرەزيدەنتى اكىمدىگىندە، مينيسترلىكتەردە، اكىمدىكتەردە)؛ - وقىتۋشىلىق جانە اكىمشىلىك قىزمەتتەر سالاسىندا؛ - الەۋمەتتىك جوبالار ساراپشىسى مەن مەنەدجەرى جانە الەۋمەتتىك تەحنولوگ رەتىندە؛ - ءىرى بيزنەس پەن عىلىمنىڭ جاڭا سالالارىنداعى زەرتتەۋشىلەر مەن ماركەتولوگتار رەتىندە؛ - PR - كامپانيالاردا، حالىقارالىق جوبالار مەن كادرلىق قىزمەتتەردە؛ - مەملەكەتتىك جانە مەملەكەتتىك ەمەس مەكەمەلەر مەن حالىقارالىق قورلاردىڭ مامانى رەتىندە؛ - حالىقارالىق جوبالار مەن ۇيىمداردا؛ - حالىقتى قورعاۋ جانە الەۋمەتتىك ساياسات دەپارتامەنتىنىڭ ەكسپەرتى مەن كەڭەسشىسى رەتىندە.

جالپى، ۋنيۆەرسيتەتتە ءبىلىم بەرىپ قانا قويماي، جاستاردىڭ رۋحاني بايلىعىن ارتتىرۋ، ىشكى مادەنيەتىن كوتەرۋ، سياقتى جۇمىستاردى ۇيىمداستىرۋ وقۋ ورداسىنىڭ بەدەلىن بۇرانعىدان دا بيىك بەلەسكە كوتەرەتىنى تالاس تۋدىرمايدى. وسى ورايدا، ستۋدەنتتەردى تىلدىك، مادەني جانە عىلىمي قىزىعۋشىلىقتارىن بىرىكتىرەتىن قوعامدىق ءپان الەۋمەتتىك جۇمىس ماماندىعى بولاشاقتا ينتەللەكتۋالدى، كرەاتيۆتى مامان دايارلاۋعا ءوز سەپتىگىن تيگىزەدى دەگەن سەنىمدەمىز.

ءال - فارابي اتىنداعى قازاق ۇلتتىق ۋنيۆەرسيتەتى،
فيلوسوفيا جانە ساياساتتانۋ فاكۋلتەتىنىڭ،
الەۋمەتتىك جۇمىس ماماندىعىنىڭ 1 كۋرس ماگيسترانتى
بالماعانبەت بەيبىت جاۋىنباي قىزى