وڭتۇستىك كورەيا پرەزيدەنتى لي چجە مەن سولتۇستىك كورەياعا ۇزاققا سوزىلعان اسكەري قاقتىعىستى توقتاتۋ جانە پحەنياننىڭ يادرولىق باعدارلاماسىن قىسقارتۋدىڭ ناقتى قادامدارىن تالقىلاۋ ءۇشىن كەلىسسوزدەر باستاۋدى ۇسىندى. بۇل تۋرالى infohub.kz سايتى حابارلايدى.
كورەيانىڭ جاپونيا وتارشىلدىعىنان ازات ەتىلگەنىنە 81 جىل تولۋىنا ارنالعان سالتاناتتى جيىندا سويلەگەن سوزىندە وڭتۇستىككورەيالىق كوشباسشى: «بىر-بىرىمىزگە ءقاۋىپ توندىرۋدەن باس تارتىپ، تىكەلەي تاراپتار رەتىندە ۇزاققا سوزىلعان سوعىستى توقتاتۋ تۋرالى كەلىسسوزدەردى باستايىق. وسى پروسەستە ءبىز سولتۇستىك كورەيانىڭ يادرولىق الەۋەتىن دامىتۋدى توقتاتۋدىڭ ءتيىمدى جولدارىن دا تالقىلاي الامىز»، — دەدى.
لي چجە مەن كورەي تۇبەگىندە «تۇراقسىز ءبىتىم جۇيەسىن» تولىققاندى بەيبىت كەلىسىممەن الماستىرىپ، بەيبىت رەجيم ورناتۋعا ۇمتىلاتىنىن اتاپ ءوتتى. ول سونداي-اق سوعىستى اياقتاۋ ءۇشىن ساپار جاساۋعا ۋادە بەردى.
ايتا كەتۋ كەرەك، وڭتۇستىك كورەيا مەن كحدر فورمالدى تۇردە سوعىس جاعدايىندا قالىپ وتىر، ويتكەنى 1950–1953 جىلدارداعى كورەي سوعىسى بەيبىت كەلىسىممەن ەمەس، تەك بىتىممەن اياقتالعان ەدى. Yonhap اگەنتتىگىنىڭ دەرەگىنشە، سولتۇستىك كورەيا لي چجە مەن بيلىككە كەلگەن 2025 جىلعى ماۋسىمنان بەرى سەۋلدىڭ بىرنەشە رەت جاساعان تاتۋلىق ارەكەتتەرىنە جاۋاپ بەرمەگەن.