40 جاستاعى امەريكالىق اكتريسا، ءانشى، مودەل جانە كيىم ديزاينەرى ليندسي لوحان كوپشىلىكتى تاعى دا وزگەرگەن كەلبەتىمەن تاڭعالدىردى. جاڭا بەينەدەگى سۋرەتتەر ونىڭ Instagram پاراقشاسىندا پايدا بولدى، دەپ حابارلايدى infohub.kz.
جۇلدىز مانسابىنىڭ باسىندا ونىڭ ايرىقشا بەلگىسىنە اينالعان قىزىل شاش تۇسىنە قايتا ورالدى. سۋرەتتەردە لوحان اشىق قىزىل بۇيرا شاشىمەن، جەڭىل تولقىندى ەتىپ قويعان، كوگىلدىر جەڭىل حالات كيىپ تۇر.
ەسكە سالايىق، لوحان كينو سالاسىنداعى جولىن ەندى باستاعان كەزدە ول ەكرانداردا وسىنداي شاش ۇلگىسىمەن ءجيى كورىنەتىن. الايدا كەيىن ۇزاق ۋاقىت اققۇبا بولدى.
الەۋمەتتىك جەلى قولدانۋشىلارى الەمدىك جۇلدىزدىڭ جاڭا بەينەسىن جوعارى باعالادى. جاريالانىمنىڭ استىندا ولار كوپتەگەن تاڭدانىس بىلدىرەتىن پىكىرلەر قالدىردى: «كەرەمەت»، «پوپ-مادەنيەتتەگى ەڭ تانىمال قىزىل شاشتى»، « قىزىل شاشتا سەن تاماشاسىڭ»، «بۇل سيرەك جانە ادەمى»، «ءبىز قىزىل شاشىڭدى ساعىندىق»، «ليندسي قىزىل شاشقا ورالۋدا»، «وتە ادەمى».
IMDb دەرەكتەرى بويىنشا، ليندسي لوحان 1986 جىلى 2 شىلدەدە نيۋ-يوركتە دينا لوحان مەن مايكل لوحاننىڭ وتباسىندا دۇنيەگە كەلگەن. ول مانسابىن ءۇش جاسىندا Ford اگەنتتىگىندە مودەل بولىپ باستادى، سونداي-اق 60-تان استام تەلەديدار جارنامالارىنا ءتۇستى.
10 جاسىندا ول «باسقا الەم» تەلەحيكاياسىندا الي فاۋلەردىڭ ءرولىن ويناپ، بۇل ءرولدى ورىنداعان ءۇشىنشى اكتريسا بولدى. 1998 جىلى ونىڭ تولىقمەتراجدى كينوعا دەبيۋتى — «اتا-انالارعا ارنالعان تۇزاق» فيلمىندە ءوتتى.
2001 جىلدىڭ ماۋسىمىندا لوحان اكتەرلىك قىزمەتتەن قىسقا ءۇزىلىس الدى. ونىڭ مۋزىكالىق مانسابى ءبىر جىلدان استام ۋاقىتتان كەيىن، 2002 جىلدىڭ قىركۇيەگىندە Estefan Enterprises كومپانياسى ونىمەن بەس البوم شىعارۋعا كەلىسىم جاساپ، ول قايتا جاندانعان Casablanca Records كومپانياسىمەن كەلىسىمشارتقا وتىرعاندا باستالدى.
الايدا ءدال اكتەرلىك قىزمەت وعان ۇلكەن جەتىستىك اكەلدى. 2000-جىلداردىڭ ورتاسىندا «جامان قىزدار» جانە «قۇتىرعان جۇما» فيلمدەرى جارىققا شىعىپ، لوحاندى الەمدىك جۇلدىزعا اينالدىردى. كەيىن تانىمال تۇلعا ءوزىنىڭ كيىم ۇلگىسىن شىعاردى.