Linkin Park توبى چەستەر بەننينگتون قايتىس بولعاننان كەيىنگى جاڭا كەزەڭگە ارنالعان «Linkin Park: Unshatter» دەرەكتى ءفيلمىن جاريالادى. مۋزىكانتتار بۇل حابارمەن بىرگە ءفيلمنىڭ العاشقى ترەيلەرىن دە كورسەتتى، دەپ حابارلايدى infohub.kz.
ءفيلمنىڭ تۇساۋى 30 قىركۇيەكتە وتەدى. رەجيسسەرى — Linkin Park مۇشەسى دجو حان. كارتينا توپتىڭ الەمدىك ساحناعا ورالۋى، From Zero البومىنىڭ جاسالۋى جانە جاڭارتىلعان قۇرامداعى العاشقى كونسەرتتىك تۋر تۋرالى باياندايدى. كورەرمەندەر سيرەك كەزدەسەتىن ارحيۆتىك كادرلاردى، ساحنا ارتىنداعى تۇسىرىلىمدەردى، ستۋديالىق سەسسيالاردى جانە توپتىڭ سان-پاۋلۋداعى كونسەرتتەرىن كورە الادى.
فيلمدە Linkin Park تاريحىنداعى جاڭا كەزەڭگە — ۆوكاليست ەميلي ارمسترونگ پەن بارابانشى كولين بريتتەينگە ەرەكشە نازار اۋدارىلادى. جاساۋشىلاردىڭ ايتۋىنشا، كارتينا تەك شىعارماشىلىق پروسەستى عانا ەمەس، سونىمەن قاتار مۋزىكانتتاردىڭ قايعىنى قالاي باستان وتكەرگەنىن، وزدەرىن قايتا ىزدەگەنىن جانە كونسەرتتىك قىزمەتكە قالاي ورالعانىن كورسەتەدى.
فيلم پرەمەراسىنان بىرنەشە كۇن بۇرىن، 25 قىركۇيەكتە، Unshatter (Live From São Paulo) كونسەرتتىك البومى شىعادى. وعان Linkin Park شىعارماشىلىعىنىڭ ءار كەزەڭىندەگى اندەردىڭ ءتىرى ورىنداۋلارى، سونداي-اق فيلمگە ەنبەيتىن بىرنەشە ەكسكليۋزيۆتى جازبالار كىرەدى.
رەجيسسەر دجو حاننىڭ ايتۋىنشا، Unshatter — بۇل تەك توپ تۋرالى عانا ەمەس، سونىمەن قاتار دوستىق، توزىمدىلىك جانە ەڭ اۋىر سىناقتاردان كەيىن دە العا جىلجۋ قابىلەتى تۋرالى اڭگىمە. ونىڭ سوزىنشە، كوپتەن بەرى جانكۇيەرلەر بۇرىن ەشقاشان جاريالانباعان كادرلاردى كورەدى، ال جاڭا تىڭدارماندار Linkin Park جولىن جاقسىراق تۇسىنە الادى.