ماسساچۋسەتس شتاتىنىڭ پليمۋت قالاسىنداعى سوت وتىرىسىندا العاشقى كومەك كورسەتۋشىلەر ليندسي كلەنسيدىڭ ءۇش بالاسىن ءولتىرىپ، وز-وزىنە قول جۇمساماق بولعان وقيعا بويىنشا كۋالىك بەردى، دەپ حابارلايدى infohub.kz.
بەيسەنبى كۇنى كۋاگەرلەر القابيلەرگە 2023 جىلعى قاڭتاردا بولعان وقيعانىڭ ەگجەي-تەگجەيىن باياندادى. سول كەزدە ليندسي كلەنسي ءوزىنىڭ ءۇش بالاسىن – 5 جاستاعى كورانى، 3 جاستاعى دوۋسوندى جانە 8 ايلىق كاللاندى ءولتىرىپ، كەيىن ءوزىن-وزى ولتىرمەك بولعان. ونىڭ سول كەزدەگى كۇيەۋى پاتريك كلەنسي ۇيگە ورالعاندا بالالاردى جەرتولەدەن تاپقان. ولار جاتتىعۋ تاسپالارىمەن بۋىندىرىلىپ قالعان ەدى.
سوت وتىرىسى ليندسي كلەنسيدىڭ سول كەزدەگى پسيحيكالىق جاعدايىنا باعىتتالعان. ونىڭ ادۆوكاتتارى بوسانعاننان كەيىنگى پسيحوزبەن اۋىرعانىن العا تارتادى. بۇل – بوسانۋدان كەيىنگى سترەسس، ۇيقىنىڭ جەتىسپەۋشىلىگى مەن گورموندىق وزگەرىستەرگە بايلانىستى پايدا بولاتىن سيرەك كەزدەسەتىن پسيحيكالىق اۋرۋ. الايدا پروكۋرورلار كلەنسيدىڭ ارەكەتتەرى سانالى بولعانىن جانە ول ءولىم ءۇشىن قىلمىستىق جاۋاپتىلىقتا ەكەنىن ايتادى.
داكسبەري پوليسيا دەپارتامەنتىنىڭ قىزمەتكەرلەرى ستيۆەن حولل مەن برايان جوزەفينا سول كەشتە ۇيگە بولەك-بولەك جىبەرىلگەن. ولار پاتريك كلەنسي بالالاردى تاپقانعا دەيىن كەلگەن. پوليسەيلەر ءۇيدىڭ ارتقى جاعىنان پاتريكتىڭ كومەك سۇراپ ايقايلاعان داۋىسىن ەستىگەن. ليندسي كلەنسي ءوز ءومىرىن قيۋ ءۇشىن بىرنەشە ءادىس قولدانىپ، ەكىنشى قاباتتىڭ تەرەزەسىنەن سەكىرگەننەن كەيىن بەلىنەن تومەن سال بولىپ قالعان.
پوليسەيلەر ليندسيگە كومەك كورسەتىپ جاتقاندا، پاتريك ۇيگە جۇگىرىپ كىرىپ، ايەلىنىڭ بالالاردىڭ جەرتولەدە ەكەنىن ايتقانىن، ءبىراق ولاردىڭ ولگەنىن ايتپاعانىن حابارلادى. كەيىن ول قاتتى ايقايلاعان. «مەن ولاردى وياتا المايمىن – ولاردى تۇرعىزا المايمىن»، – دەپ پاتريك كلەنسي جەرتولەگە جۇگىرىپ كەلگەن پوليسەيلەرگە ۇرەيلەنىپ ايتقان. جوزەفينا تەك 8 ايلىق كاللاندا عانا ءالسىز تامىر سوعىسى بولعانىن راستادى.
«بۇرىنعى وقيعالارداعى تاجىريبەمە سۇيەنە وتىرىپ، بۇل جاقسى اياقتالمايتىنىن ءبىلدىم»، – دەدى جوزەفينا. ولار كومەك كورسەتە باستاعاندا، جەرگىلىكتى ءورت سوندىرۋشىلەر دە قوسىلدى.
ليندسي كلەنسيدىڭ ادۆوكاتى دۇيسەنبى كۇنى العاشقى سوزىندە ونىڭ بيپوليارلى بۇزىلىسى بار ەكەنىن جانە ءۇشىنشى بالاسى تۋعاننان كەيىن تاعايىندالعان انتيدەپرەسسانتتاردىڭ جاعدايىن ناشارلاتقانىن ايتتى. ول بالالاردى تۇنشىقتىرعان كۇنى «بۇل – سەنىڭ سوڭعى مۇمكىندىگىڭ. ءوزىڭدى ءولتىرۋ ءۇشىن بالالاردى ءولتىر» دەگەن داۋىستى ەستىگەنىن جەتكىزدى.
سوتتىڭ العاشقى ەكى كۇنىندە پاتريك كلەنسي ايەلىنىڭ پسيحيكالىق دەنساۋلىعىنىڭ ناشارلاۋى تۋرالى كۋالىك بەردى. ول ايەلىنىڭ بالالارعا زيان كەلتىرۋ جانە ءوزىن-وزى ءولتىرۋ تۋرالى وبسەسسيۆتى ويلارى بولعانىن ايتتى. ليندسي كلەنسي بوسانعاننان كەيىنگى كوڭىل-كۇي بۇزىلىستارى بويىنشا مامانداردان كومەك سۇراعان، بىرنەشە پسيحوتروپتى ءدارى قابىلداعان، ەشنارسە كومەكتەسپەگەن سوڭ پسيحياتريالىق ستاسيونارعا جات قىزىلعان. ستاسيوناردان شىققاننان كەيىن 19 كۇن وتكەن سوڭ ول بالالاردى ولتىرگەن.
ەگەر كىسى ولتىرۋدە كىنالى دەپ تانىلسا، ول ءومىر بويىنا باس بوستاندىعىنان ايىرىلۋى مۇمكىن. ال قىلمىستىق جاۋاپكەرشىلىككە تارتىلمايتىن بولسا، مەملەكەتتىك پسيحياتريالىق مەكەمەگە جىبەرىلەدى. پاتريك كلەنسي بۇعان دەيىنگى سۇحباتتارىندا بۇرىنعى ايەلىن كەشىرەتىنىن ايتقان، ونى ز ۇلىم ەمەس، اۋرۋ دەپ سانايدى.