ليتۆا رەسەيلىك جانە بەلارۋستىك ونەر قايراتكەرلەرىنىڭ ەلگە كىرىپ، كوپشىلىك الدىندا ونەر كورسەتۋى ءۇشىن سوعىسقا قارسى دەكلاراسياعا مىندەتتى تۇردە قول قويۋىن قاراستىرۋدا، دەپ حابارلايدى infohub.kz سايتى.
Deutsche Welle باسىلىمىنىڭ مالىمەتىنشە، ليتۆا سىرتقى ىستەر مينيسترلىگى رەسەي مەن بەلارۋستەن كەلگەن مادەنيەت قايراتكەرلەرىنە ۋكرايناداعى سوعىستى ايىپتايتىن قۇجاتقا قول قويۋدى مىندەتتەۋدى ۇسىنعان. «بۇل دەكلاراسيا جاريالانادى. وسى كەلىسىمگە قول قويۋدان باس تارتقان جاعدايدا، ءسىز ەلگە كىرۋ مۇمكىندىگىنەن ايىرىلاسىز»،— دەدى ۆەدومستۆودا.
ءسىم 2027 جىلعى 1 قاڭتاردان باستاپ تۇزەتۋلەر ەنگىزۋدى ۇسىنىپ وتىر. ولار سونداي-اق سوعىستى تىكەلەي نەمەسە جاناما تۇردە قولداعان نەمەسە وعان قاتىسقاندارعا، سونداي-اق «ۋكراينانىڭ باسىپ الىنعان اۋماقتارىندا» قوعامدىق قىزمەت اتقارعاندارعا ليتۆاعا كىرۋگە تىيىم سالۋدى قامتيدى.
سونىمەن قاتار، ەلدىڭ سىرتقى ىستەر مينيسترلىگى ليتۆادا تۇرۋعا رۇقساتى بار رەسەيلىكتەر مەن بەلارۋستىكتەرگە ۇلتتىق قاۋىپسىزدىكتى قامتاماسىز ەتۋ ءۇشىن ماڭىزدى وبەكتىلەردىڭ نەمەسە اسكەري پوليگونداردىڭ جانىنان جىلجىمايتىن م ۇلىك ساتىپ الۋعا تىيىم سالۋدى ۇسىنادى.