ليۆيا ورتالىق بانكى مەن جۇڭگو حالىق بانكى ليۆيالىق كوممەرسيالىق بانكتەردى قىتايدىڭ ترانسشەكارالىق تولەم جۇيەسى CIPS-كە قوسۋ تۋرالى كەلىسىمگە كەلدى، دەپ inbusiness.kz Euronews-كە سىلتەمە جاساپ حابارلادى، دەپ جازادى infohub.kz.
CIPS-كە قوسىلۋ ليۆيالىق بانكتەرگە جۇڭگو ۆاليۋتاسىندا تولەمدەردى تىكەلەي جىبەرۋگە جانە قابىلداۋعا مۇمكىندىك بەرەدى، دەلدال بانكتەر مەن دوللار ينفراقۇرىلىمىن پايدالانۋ قاجەتتىلىگىن ازايتادى. مۇنىڭ حالىقارالىق ەسەپ ايىرىسۋدى جىلدامداتىپ، شىعىنداردى تومەندەتىپ، بيزنەس ءۇشىن قارجى وپەراسيالارىن جەڭىلدەتەتىنى كۇتىلۋدە.
CIPS 2015 جىلى جۇڭگو حالىق بانكىمەن حالىقارالىق يۋانمەن ەسەپ ايىرىسۋ جۇيەسى رەتىندە قۇرىلدى. ءقازىر ول جۇڭگو ۆاليۋتاسىنىڭ الەمدىك ساۋدادا قولدانىلۋىن كەڭەيتۋدىڭ جانە ءداستۇرلى حالىقارالىق تولەم ارنالارىنا بالامانىڭ نەگىزگى قۇرالدارىنىڭ ءبىرى سانالادى.
كەلىسىم اياسىندا ليۆيا قىتايعا تىكەلەي اقشا اۋدارىمدارىن جىبەرەتىن بولادى جانە جۇڭگو بانكتەرى ارقىلى تىكەلەي اككرەديتيۆ اشۋ مۇمكىندىگىنە يە بولادى. تاراپتاردىڭ پىكىرىنشە، بۇل ساۋدا وپەراسيالارىن نەعۇرلىم اشىق ءارى ءتيىمدى ەتەدى، سونداي-اق يمپورتتاۋشىلار، ەكسپورتتاۋشىلار جانە شاعىن بيزنەس وكىلدەرىنىڭ جۇمىسىن جەڭىلدەتەدى.
سونداي-اق تاراپتار ساۋداداعى كەدەرگىلەردى جويۋعا جانە جاقىن ارادا ليۆيا بانك سەكتورىنىڭ رەسمي دەلەگاسياسىنىڭ بەيجىڭگە ساپارىن ۇيىمداستىرۋعا كەلىستى. ساپار بارىسىندا كوممەرسيالىق بانك وكىلدەرى ەلەكتروندى تولەم سالاسىنداعى جۇڭگو تاجىريبەسىن زەردەلەپ، قارجىلىق ىنتىماقتاستىقتى ودان ءارى دامىتۋدى تالقىلاۋعا نيەتتى.