«پاپينى دوچكي» سەريالىنان تانىمال رەسەيلىك اكتريسا ليزا ارزاماسوۆا قازاقستانعا گاسترولمەن كەلىپ، ەل تۇرعىندارىنا جىلى قابىلداۋ ءۇشىن العىس ايتتى، دەپ حابارلايدى infohub.kz سايتى.
ول اكتەر يگور ليفانوۆپەن بىرگە قىركۇيەك ايىنىڭ سوڭىندا قاراعاندى، پاۆلودار جانە استانادا «نوچ ەە وتكروۆەني» قويىلىمىن ۇسىندى. اكتريسا Instagram پاراقشاسىندا قازاقستاندىق كورەرمەندەرگە ارناپ بىلاي دەپ جازدى: «بۇل تاماشا كۇن بولدى! قازاقستانداعى قىمباتتى كورەرمەندەرىمىزگە وسىنداي جىلى لەبىز بەن جىلى قارسى الۋ ءۇشىن راقمەت! تۇستەرىڭىز تىنىش بولسىن، ال ماعان ۇيگە، كۇيەۋىمە اپارار جول جەڭىل بولسىن دەپ تىلەڭىزدەر. بارلىعىڭىزعا مىندەتتى تۇردە — سەنىم، ءۇمىت جانە ماحاببات تىلەيمىن».
قازاقستاندىق كورەرمەندەر بۇل جازباعا كوپتەگەن جىلى پىكىرلەر جاۋدىردى. «كەرەمەت قويىلىم بولدى. راحمەت!»، «ءبىز ءسىزدىڭ سپەكتاكلىڭىزدە بولدىق، بۇل جاي عانا تاڭىرقاۋ، ءتانتى بولۋ. يگور رومانوۆيچپەن بىرگە قانداي كەرەمەتسىزدەر. بۇل عاجاپ بولدى!»، «سپەكتاكلىڭىزدە بولدىق! ەموسيا، كۇلكى، ءسال مۇڭ جانە شەكسىز مەيىرىم ءۇشىن كوپ راحمەت. قاتتى ۇنادى، تاعى كەلىڭىزدەر»، «پاۆلودارعا كەلگەندەرىڭىزگە راحمەت»، «قاراعاندىداعى سپەكتاكل ءۇشىن راحمەت. بۇل فەەريا بولدى! ءسىز يگور ەكەۋىڭىز قانشاما ەموسيا سىيلاپ، ويىنىڭىزبەن ەڭ جاقسى ەستەلىكتەر قالدىردىڭىز»، «استانادان ماحابباتپەن!» — دەپ جازدى جەلىدە.