قازاقستاندا لومباردتارداعى ميكروكرەديتتەردىڭ قارىز الۋشىلاردىڭ نەسيە تاريحىندا مەرزىمى وتكەن قارىز رەتىندە كورسەتىلمەۋىن قاراستىراتىن قاۋلى جوباسى دايىندالدى. بۇل وزگەرىس لومبارد كليەنتتەرىنىڭ جاعدايىن جاقسارتۋعا مۇمكىندىك بەرەدى، دەپ حابارلايدى infohub.kz سايتى.
قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى لومباردتارداعى م ۇلىك كەپىلىمەن بەرىلەتىن نەسيەلەر بويىنشا نەسيە ەسەبىنەن كەيبىر دەرەكتەردى الىپ تاستاۋدى كوزدەيتىن قاۋلى جوباسىن جاريالادى. اتاپ ايتقاندا، اقپارات بەرىلگەن كۇنگە مەرزىمى وتكەن كۇندەر سانى، مەرزىمى وتكەن تولەمدەر سوماسى، تۇراقسىزدىق ايىبى (ايىپپۇلدار، ءوسىمپۇلدار) سوماسى جانە سوڭعى تولەم كۇنى تۋرالى مالىمەتتەردى الىپ تاستاۋ جوسپارلانۋدا.
قاراپايىم تىلمەن ايتقاندا، جاڭا ەرەجەلەر بويىنشا لومباردتارداعى كەپىلدى نەسيەلەر بويىنشا نەسيە تاريحىندا مەرزىمى وتكەن قارىزدىڭ ەگجەي-تەگجەيى كورسەتىلمەيدى. شارت جابىلعانعا دەيىن ەسەپتە ونىڭ تەك «قولدانىستاعى» مارتەبەسى كورىنەدى.
اگەنتتىكتە تۇسىندىرگەندەي، لومباردقا جۇگىنگەن كەزدە قارىز الۋشىنىڭ باستاپقىدا كەپىلگە قويىلعان م ۇلىكتى ساتىپ الۋ نيەتى بولماۋى مۇمكىن. لومباردتارعا كوبىنەسە يەسى ءۇشىن قۇندىلىعىن جوعالتقان زەرگەرلىك بۇيىمدار قويىلادى. سوندىقتان لومباردتىڭ ميكروكرەديتىن وتەمەۋ نەمەسە مەرزىمىنىڭ ءوتۋى قارىز الۋشىنىڭ تولەم قابىلەتسىزدىگىن نەمەسە ونىڭ تولەم ءتارتىبىنىڭ تومەندىگىن كورسەتپەيدى.
ءقازىر جوبا تالقىلاۋ ساتىسىندا، سوندىقتان جاڭا ەرەجەلەر ءالى كۇشىنە ەنگەن جوق.
ەسكە سالايىق، بۇعان دەيىن لومباردتار بانكروتتىق راسىمىنەن شىعارىلعان بولاتىن. ولاردىڭ بۇل راسىمنەن شىعارىلۋىنىڭ سەبەبى ءدال قارىزدى كەپىلگە قويىلعان م ۇلىك ەسەبىنەن وتەۋ مەحانيزمىندە جاتىر.