استانادا وتكەن Digital Bridge فورۋمىندا Kaspi.kz باسشىسى ءارى تەڭ قۇرىلتايشىسى ميحايل لومتادزە پرەمەر-مينيسترگە جەكە جاساندى ينتەللەكت كومەكشىسى Kasper كليەنتتىڭ ناقتى سۇرانىسىنا ساي تاۋارلاردى قالاي تاڭدايتىنىن كورسەتتى، دەپ حابارلايدى infohub.kz سايتى.
كورسەتىلىم قاراپايىم سويلەمنەن باستالدى: «مەن دەنساۋلىق كورسەتكىشتەرىمدى باقىلاعىم كەلەدى». Kasper ماسەلەنى شەشۋدىڭ نۇسقالارىن ۇسىنىپ، سودان كەيىن ديالوگ بارىسىندا ۇزدىك سمارت-ساقينا مودەلدەرىن سالىستىرۋعا، iPhone-مەن ۇيلەسىمدىلىگىن ەسكەرۋگە جانە ولشەمىن انىقتاۋعا كومەكتەستى.
«الەمدە جاساندى ينتەللەكتتى كليەنتتەر ءۇشىن پايدالى ارەكەتكە اينالدىرعان مىسالدار وتە از. ءبىز بۇل تەحنولوگيانى تاجىريبەدە قولدانۋعا ۇمتىلامىز. قازاقستاندا كۇندەلىكتى قولدانىلاتىن سۋپەرقوسىمشا بار — ول باسقا جەردە دەرلىك كەزدەسپەيتىن بىرەگەي ءونىم. ەندى ءبىزدىڭ مىندەتىمىز — كۇندەلىكتى جەكە كومەكشى جاساۋ»، — دەدى ميحايل لومتادزە.
ونىڭ ايتۋىنشا، Kasper — قازاقستاندا جاسالعان Kaspi.kzء-تىڭ ءوز ازىرلەمەسى. سەرۆيس كليەنتتىڭ قالاۋىن ەسكەرەدى، پىكىرلەردى تالدايدى، سيپاتتامالاردى سالىستىرادى جانە كۇردەلى تەرميندەردى قاراپايىم سوزدەرمەن تۇسىندىرەدى. ونىمەن قازاق، ورىس، اعىلشىن جانە تۇرىك تىلدەرىندە سويلەسۋگە بولادى.
Kasper ىسكە قوسىلعاننان بەرى ونى ميلليون ادام پايدالاندى. ميحايل لومتادزەنىڭ ايتۋىنشا، ەڭ باستىسى — قولدانۋشىلاردىڭ قايتا ورالۋى: ول سەرۆيس ساپاسىنىڭ نەگىزگى ولشەمى دەپ وسىنى سانايدى.
بانك قىزمەتى قازاقستان رەسپۋبليكاسىندا ليسەنزيالانادى.