لوندون ماڭىندا جولاۋشىلار پويىزى رەلستەن شىعىپ، بۇل ەكى كۇن ىشىندەگى ەكىنشى وقيعا بولدى. بۇل تۋرالى بريتاندىق كولىك پوليسياسى حابارلادى. الدىڭعى كۇنى تاعى ءبىر پويىز رەلستەن شىعىپ، ەكى ادام اۋىر جارالانعان ەدى.
پوليسيانىڭ مالىمەتىنشە، ەسسەكس وكرۋگىندەگى ۋيكفورد تەمىرجول ستانساسىنىڭ ماڭىندا، لوندوننان شامامەن 48 شاقىرىم شىعىستا ورنالاسقان جەردە، پويىزدىڭ ارتقى ۆاگوندارى رەلستەن شىققانى تۋرالى حابارلاما تۇسكەن. وقيعا ورنىنا پوليسيا قىزمەتكەرلەرى، جەدەل جاردەم جانە ءورت سوندىرۋشىلەر جىبەرىلدى.
پوليسيانىڭ ايتۋىنشا، ۆاگوندار تىك كۇيىندە قالعان، زارداپ شەككەندەر جوق. ۇلتتىق تەمىرجول كومپانياسى وقيعانىڭ سەبەپتەرىن انىقتاپ جاتقانىن، ال پويىزدار قوزعالىسىندا ۇلكەن ۇزىلىستەر بۇگىن تۇسكە دەيىن جالعاساتىنىن حابارلادى.
بۇل وقيعا لوندوننان يستبورنعا بارا جاتقان پويىزدىڭ انگليانىڭ وڭتۇستىگىندەگى ليۋيس قالاسىنىڭ ماڭىندا رەلستەن شىققانىنان 24 ساعاتتان از ۋاقىت وتكەن سوڭ بولدى. سول كەزدە ءۇش ۆاگون اۋدارىلىپ، ەكى ادام اۋىر، 18 ادام جەڭىل جارالانعان بولاتىن. بارلىق جولاۋشىلار شامامەن ءۇش ساعات ىشىندە ەۆاكۋاسيالاندى.
رەلستەن شىعۋ سەبەپتەرى تەرگەلۋدە.