لوندوندا ادەتتەن تىس ۇرلىقتار جيىلەدى: بۇزاقىلار Volkswagen كولىكتەرىنىڭ الدىڭعى ەمبلەمالارىن الىپ كەتەدى، ولاردىڭ استىندا جۇرگىزۋشىگە كومەكتەسۋ جۇيەسىنىڭ رادارى جاسىرىلعان. ءتورت كۇن ىشىندە شامامەن 70 كولىك زارداپ شەكتى، ال جوندەۋ يەلەرىنە 2،5 مىڭ دوللارعا دەيىن، ياعني شامامەن 1،2 ميلليون تەڭگەگە ءتۇسۋى مۇمكىن، دەپ حابارلايدى infohub.kz سايتى.
پوليسيا ءتورت كۇن ىشىندە 29 كوشەدە شامامەن 70 كولىكتىڭ زارداپ شەككەنىن حابارلادى. Volkswagen Tiguan يەلەرىنىڭ ءبىرى كامەرالار جالعا الىنعان ۆەلوسيپەدتەگى ەكى ادامدى تىركەگەنىن ايتتى. ولار ەمبلەمانى الىپ، بەس سەكۋند ىشىندە جوعالىپ كەتكەن.
كەيبىر تۇرعىندار قىلمىسكەرلەر درونداردىڭ كومەگىمەن الدىن الا كولىكتەردى تاڭدايدى دەپ بولجايدى، ءبىراق پوليسيا بۇل نۇسقانى ازىرگە راستامايدى. يەلەرىنىڭ ءبىرىنىڭ ايتۋىنشا، جاڭا T-Roc-تان ەمبلەما ۇرلانعانعا دەيىن كورشىسى ءۇيدىڭ جانىنان تىكۇشاقتى بايقاعان.
Volkswagenء-نىڭ كەيبىر ۇلگىلەرىندە ەمبلەما ءاداپتيۆتى كرۋيز-باقىلاۋ جانە باسقا ەلەكتروندى كومەكشىلەر قولداناتىن رادارلىق داچيكتىڭ ءدال الدىندا ورنالاسقان. سوندىقتان بەلگى ۇرلانعاننان كەيىن راداردى اۋىستىرۋ، ونى ورناتۋ جانە كەيىننەن كاليبرلەۋ قاجەت بولۋى مۇمكىن، بۇل قىمبات جوندەۋگە اكەلەدى.
مۇنداي كونسترۋكسيا Golf، Tiguan، Jetta، Passat، ID.4 جانە ID.5 ۇلگىلەرىنىڭ جەكەلەگەن نۇسقالارى مەن بۋىندارىندا كەزدەسەدى. سونىمەن قاتار، Volkswagen جاڭا ۇلگىلەردە مۇنداي شەشىمنەن باس تارتتى: ەندى رادار ەمبلەمادان بولەك ورناتىلادى.
بۇعان دەيىن Volkswagen قازاقستاندا ساتۋ ءۇشىن العاشقى سەداندار مەن كروسسوۆەرلەردى جىبەرگەنى حابارلانعان بولاتىن.