وڭتۇستىك كورەيانىڭ Lotte Group كومپانياسى الماتىدا ءوز برەندىمەن العاشقى ءقوناقۇيىن سالادى جانە Alatau City قۇرىلىسىنا قاتىسادى. سونىمەن قاتار كومپانيا قازاقستاننىڭ تاماق ونەركاسىبى مەن لوگيستيكاسىنداعى قاتىسۋىن ساقتاپ قالماق. بۇل ماسەلەلەر پرەزيدەنت قاسىم-جومارت توقاەۆتىڭ Lotte Group ءتوراعاسى دون بين شينمەن كەزدەسۋىندە تالقىلاندى. بۇل تۋرالى اقوردانىڭ ءباسپاسوز قىزمەتى حابارلادى، دەپ جازادى infohub.kz.
قاسىم-جومارت توقايەۆ Lotte كومپانياسى قازاقستاننىڭ ەسكى سەرىكتەستەرىنىڭ ءبىرى ەكەنىن جانە ەكى ەل اراسىنداعى ەكونوميكالىق ىنتىماقتاستىقتى دامىتۋعا ۇلەس قوسىپ جاتقانىن اتاپ ءوتتى.
مەملەكەت باسشىسى كومپانيانىڭ تاماق ونەركاسىبىندەگى جۇمىسىنا جەكە توقتالدى. Lotte «راحات» برەندىن دامىتىپ، الماتى مەن شىمكەنتتەگى ءوندىرىس الاڭدارىن جاڭعىرتۋدا.
سونىمەن قاتار كەزدەسۋدە كولىك-لوگيستيكالىق ينفراقۇرىلىمدى دامىتۋ ماسەلەسى قارالدى. Lotte Global Logistics ايماقتىق جانە حالىقارالىق نارىقتارعا شىعۋ مۇمكىندىگىن كەڭەيتۋدى قاراستىرۋدا.
الماتىدا Lotte برەندىمەن العاشقى ءقوناقۇي اشىلادى. كەزدەسۋ قورىتىندىسى بويىنشا Hotel Lotte Co. Ltd جانە Sensata Invest الماتى مەن Alatau City-دە Lotte قوناقۇيلەرىن سالۋ تۋرالى ءوزارا تۇسىنىستىك تۋرالى مەموراندۋمدارعا قول قويدى.
دون بين شين سونداي-اق Lotte كومپانياسىنىڭ Alatau City دامۋ جوبالارىنا قاتىساتىنىن مالىمدەدى. ولاردىڭ قاتارىندا Iconic Complex سالۋ دا بار.
بۇعان دەيىن الاتاۋ قالاسىن جوبالاۋ مەن سالۋعا بەلسەندى قاتىسىپ جۇرگەن Caspian Group 2025 جىلى 445،6 ملن تەڭگە شىعىنعا ۇشىراعانى حابارلانعان بولاتىن.