بەلارۋس پرەزيدەنتى الەكساندر لۋكاشەنكو «شوس+» سامميتىندە ۇيىمدى قازىرگى بۇۇ-عا اينالدىرماۋعا شاقىردى، دەپ حابارلايدى infohub.kz سايتى.
الەكساندر لۋكاشەنكو ەۋرازيا كەڭىستىگىندە ءتۇرلى تاقىرىپتار بويىنشا كونسەنسۋس قالىپتاستىرا وتىرىپ، شوس تولىققاندى جاھاندىق ديالوگتى قالپىنا كەلتىرۋگە بەرىك نەگىز قالايتىنىن اتاپ ءوتتى. ول «شوس+» فورماتىنىڭ الدىندا وتكەن شوس-قا مۇشە مەملەكەتتەر باسشىلارى كەڭەسىنىڭ وتىرىسىندا الەمدەگى ماڭىزدى ءىس-شارالار شانحاي ىنتىماقتاستىق ۇيىمىنسىز وتپەۋى كەرەك دەپ كوپ ايتىلعانىنا نازار اۋداردى.
«ءبىز مۇنىڭ ءبارىن تۇسىنەمىز، بىزدە قانداي دا ءبىر "رۋح" بار دەپ ايتامىز جانە ت.ب. ءبىراق بۇل از. ادامدار بىزدەن كوپپوليارلىق باعىتتا ناقتى ارەكەتتەر كۇتەدى. ۋاقىت ءوتىپ جاتىر. ەگەر ءبىز ۋاقىتتى جوعالتساق، وندا ءبىز بىرىككەن ۇلتتار ۇيىمىنا ونىڭ قازىرگى تۇرىندە اينالۋىمىز مۇمكىن»، — دەدى الەكساندر لۋكاشەنكو.
بۇعان دەيىن پرەزيدەنت قاسىم-جومارت توقايەۆ شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىنا قاتىسقان بولاتىن. ونىڭ نە ايتقانىن مىنا سىلتەمەدەن بىلۋگە بولادى.