قازاق ادەبيەتى (7 سىنىپ)

ساباقتىڭ تاقىرىبى: ليرو - ەپوستىق جىرلار
ساباقتىڭ ماقساتى:
ا) ليرو - ەپوستىق جىرلار تۋرالى تۇسىنىگىن كەڭەيتۋ، وقۋشىلارعا ويلاندىراتىن ساۋال بەرە وتىرىپ، پىكىرىن تىڭداۋ؛
ءا) بىلىمدىك تانىمىن، شىعارماشىلىق قابىلەتىن، تىلدىك قورىن، ىزدەنىستەرىن ارتتىرۋ؛
ب) ەڭبەكسۇيگىشتىككە، ۇقىپتىلىققا تاربيەلەۋ؛
ساباقتىڭ ءتۇرى: جاڭا ساباق
ساباقتىڭ ءادىسى: سۇراق - جاۋاپ، بايانداۋ ت. ب
ساباقتىڭ كورنەكىلىگى: كىتاپتار، ديداكتيكالىق ماتەريالدار ت. ب
ءپانارالىق بايلانىس: تاريح

ساباقتىڭ بارىسى:
ا) ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋ قۇرالدارىن تەكسەرۋ، سىنىپتىڭ تازالىعىنا كوڭىل ءبولۋ. وقۋشىلاردىڭ زەيىنىن ساباققا اۋدارۋ.
ءا) ءۇي تاپسىرماسىن پىسىقتاۋ
1. اۋىز ادەبيەتى دەگەنىمىز نە؟
2. اۋىز ادەبيەتىنىڭ قانداي سالالارىن بىلەسىڭدەر؟
3. تۇرمىس - سالت جىرى دەگەنىمىز نە؟

ب) جاڭا ساباقتى ءتۇسىندىرۋ:
قازاقتىڭ ەپوستىق جىرلارىنىڭ ەرەكشە ءبىر ءبولىمى - عاشىقتىق جىرلارى. عاشىقتىق جىرلاردىڭ باتىرلىق ەپوستان باستى - باستى ءۇش ەرەكشەلىگى بار.
ەڭ الدىمەن، باتىرلاردىڭ حالىق مۇددەسى جولىنداعى كۇرەسىن نەگىزگى تاقىرىپ ەتەتىن باتىرلىق ەپوستاي ەمەس، عاشىقتىق داستانداردىڭ وزەكتى تاقىرىبى - ەكى جاستىڭ باقىتقا جەتۋ جولىنداعى تارتىسى، قاسىرەت – زارى، ماحابباتى.
ەكىنشىدەن، باتىرلىق داستانداردا شەشۋشى رول اتقارا بەرمەيتىن رۋلىق قارىم - قاتىناستار، تۇرمىس - سالت، ادەت - عۇرىپ عاشىقتىق جىرلاردىڭ فابۋلاسىنا زاڭدى تۇردە قابىسادى.
كىتاپپەن جۇمىس: كىتاپتان ليرو - ەپوستىق جىرلار تۋرالى تۇسىنىكتى وقۋ، ويلارىن جەتكىزۋ.

توپپەن جۇمىس: ليرو - ەپوستىق جىرلاردىڭ تۇرلەرىن توپتاستىرۋ.
ليرو - ەپوستىق جىرلار
↓
«قوزى كورپەش - بايان سۇلۋ»
ايمان - شولپان
سۇلۋشاش
قىز جىبەك
ءلايلى - ءماجنۇن
قۇسىراۋ - شىرىن
قالقامان - مامىر

ءبىلىمدى بەكىتۋ: وتىلگەن تاقىرىپقا بايلانىستى بىرنەشە سۇراقتار قويامىن. تۇسىنبەگەن سۇراقتارىنا جاۋاپ بەرەمىن.
1. ليرو - ەپوستىق جىرىنىڭ باتىرلار جىرىنان قانداي ايىرماشىلىعى بار؟
2. عاشىقتىق جىرلارداعى قايسىسىنىڭ كينوسىن كورگەنسىڭدەر؟
ءبىلىمدى باعالاۋ:
وقۋشىلاردىڭ جاۋاپتارىنا، ساباققا بەلسەنە قاتىسىپ وتىرعاندارىنا قاراي بىلىمدەرى باعالانادى.
ۇيگە تاپسىرما: ليرو - ەپوستىق جىرلار تۋرالى وقىپ، كىتاپتار الىپ كەلۋ.